БНАСАУ, БНХАУ-ын хоорондын хамтын ажиллагаа, нөхөрлөлийн холбооны 60 жилийн ой тохиож байгаатай холбоотойгоор тус хоёр улсын удирдагч мэдэгдэл хийв.

       БНАСАУ-ын удирдагч Ким Жон Ун мэдэгдэлдээ “Социализмыг хамгаалахын төлөө цаашид БНХАУ-тай хамтын нөхөрсөг холбоогоо үргэлжлүүлнэ. Сүүлийн жилүүдэд урьд өмнө нь тохиолдож байгаагүй олон төвөгтэй зүйлс болсон ч бидний харилцаа өдрөөс өдөрт бэхжиж байна” гэжээ.

       Харин БНХАУ-ын Коммунист намын төв хорооны Нарийн бичгийн дарга Ши Жиньпин “Хоёр орны найрамдал, хамтын ажиллагаагаа улам тогтворжуулж, харилцаа холбоо илүү бэхжүүлж, хүчирхэгжүүлэх болно” гэсэн юм.

       Анх 1961 онд БНХАУ, БНАСАУ харилцан туслалцаа, хамтын ажиллагааны гэрээ байгуулснаас хойш өнөөг хүртэл батлан хамгаалах болон технологийн салбарын хамтран ажиллаж байна.

Эх сурвалж: The Hill