Хятад Улсын эрх баригч Коммунист нам байгуулагдсаны 100 жилийн ойн тэмдэглэлт баяр тус улсын нийслэл Бээжин хотын Тяньаньмэний талбайд сөнөөгч онгоц, нисдэг тэргийн үзүүлбэрээр эхэлжээ.

30 орчим сөнөөгч онгоц үзүүлбэр үзүүлж, утаагаараа 100-гийн тоог тэнгэрт “зуржээ”.

Үзүүлбэр дуусахад Коммунист намын 100 жилийн ойн баяр эхэлж, БНХАУ-ын эрх баригч Коммунист намын Ерөнхий нарийн бичгийн дарга Ши Жиньпин “Хятад Улсад дунд зэрэг чинээлэг нийгмийг байгуулах 100 жилийн зорилгоо биелүүллээ. Өнгөрсөн 100 жилийн хугацаанд хийсэн Коммунист намын ажлын гол сэдэв нь үндэстнийг залуужуулах явдал байлаа.” гэсэн юм.

1949 онд Мао Зэдуны удирдлага дор Засгийн эрх барьсан Хятадын Коммунист нам анх тариачид, ажилтан өрхийг намдаа элсүүлж байсан ч автритаризмын ленинист загварыг хадгалж, “Хятад онцлогтой социализм” хэмээн өргөжин хөгжиж байсан байна.

2020 оны байдлаар Коммунист намын гишүүд 2.43 саяар нэмэгдсэн бөгөөд Ши Жиньпин тус намын Ерөнхий нарийн бичгийн дарга болсноос хойш нэг жилд 95.15 сая гишүүн Коммунист намд элсэж байжээ.

Эх сурвалж: Reuters