Өнгөрсөн оны нэгдүгээр сарын 13-нд ОХУ-ын иргэн Г болон Монгол Улсын иргэн М нарыг тагнуулын дөрвөн ажилтан хүч хэрэглэн дээрэмдэж, 50.000 доллар, 2500 еврог авсан хэрэг гарсан. Тодруулбал, Тагнуулын байгууллагын ажилтан Н нь хамт ажилладаг М, Т, Д, Л, Б нартай хамтран ОХУ-ын иргэнийг дээрэмдсэн юм.

Анхан шатны шүүхээс Тагнуулын байгууллагын ажилтан Н-д 5.8 жил, Т-д 4.8 жил, Д, Л нарт 3.8 жил, М, Б нарт гурван жилийн хорих ял оноосон билээ. Харин давж заалдах шатны шүүх хурал болж, анхан шатны шүүхийн шийдвэрийг хэвээр үлдээжээ.