Төр, нийгмийн зүтгэлтэн С.Зориг агсны амийг бүрэлгэсэн хэрэгт буруутгагдаж 20-25 жилийн хорих ял авсан Т.Чимгээ, Б.Содномдаржаа нар өнөөдөр батлан даалтад гарч, суллагдлаа.

Тэднийг эрүүдэн шүүж, ял хүлээлгэсэн гэх хэрэгт ТЕГ-ын дарга асан Б.Хурц, прокурор Г.Эрдэнэбат нарын есөн хүнийг буруутайд тооцож, гурван шатны шүүхээс ял оноогоод байгаа. Шинэ нөхцөл байдал үүссэний улмаас 20 жилийн хорих ял авсан Т.Чимгээ, Б.Содномдаржаа нарын хэргийг хуулийн дагуу задалж, дахин хянуулах дүгнэлтийг УЕП-оос Дээд шүүхэд хүргүүлсэн. Тэгвэл прокурорын уг дүгнэлтийг өнөөдөр шүүх хурлаар хэлэлцэж, Т.Чимгээ, Б.Содномдаржаа нарыг батлан даалтад гаргалаа.

Ингэснээр гурван шатны шүүхийн шийдвэр хүчингүй болж, Т.Чимгээ, Б.Содномдаржаа нарт холбогдох хэргийг дахин шалгах юм.

Одоогоос зургаан жилийн өмнө буюу 2015 оны наймлугаар сард Т.Чимгээ, Б.Содномдаржаа нарыг гурван шатны шүүхээс С.Зориг агсны хэрэгт буруутайд тооцож Төв аймгийн цагдан хорих байранд хорьсон байдаг. Улмаар 2017 оны тавдугаар сард 407 дугаар хорих анги, 2019 оны гуравдугаар сард ШШГЕГ-ын харьяа хорих 401 дүгээр анги руу шилжсэн билээ.