Өмнөговь аймгийн Булган суманд Өвөрхангай аймгийн 80 иргэн үнэт чулуу түүхээр очсон гэх мэдээлэл гарсан. Тэдгээр иргэнд ямар хариуцлага тооцсон талаар тус сумын Засаг дарга Д.Буянцэрэгээс тодрууллаа. Тэрбээр “Цар тахлын үед Булган сумын Онцгой комиссоос “Дэн”, “Дал” багийн нутагт байгалийн үнэт чулуу түүхээр очсон иргэдэд анхааруулга, сануулга өгсөн. Зарим иргэн бидэнтэй уулзахгүй, цугтаасан. Манай нутагт сүүлийн 5-6 жил чулуу түүхээр хүмүүс их ирж байна. Өмнө нь бөөрөнхий чулуу түүдэг байсан. Энэ хүмүүс улаан чулуу түүсэн байна лээ. Нэг киллограмм нь 13 мянган төгрөгийн үнэтэй байдаг гэсэн” юм.