Хатуу хөл хорионд байсан эмэгтэй 15 давхраас унаж, амиа алджээ

Б. Отгонзаяа:
Эрэн сурвалжлах- Мэдээ мэдээлэл

2021-03-19, 2183

Баянзүрх дүүргийн 26 дугаар хороо, Элизабет хотхоны 220 байрны оршин суугч 15 давхраас унаж, амиа алджээ. Албан бус эх сурвалжийн мэдээлж буйгаар талийгаачийн хүүхэд “Ээжээ” хэмээн цонхоор хашхирсан гэнэ. Одоогоор цагдаагийн байгууллага хэргийн газарт шалгалтын ажиллагаа явуулж байна.

Цагдаагийн байгууллагад 12:00 цагийн орчимд "15 давхрын цонхоор хүн үсрэх гэж байна" гэх дуудлага иржээ. Харин гурван минутын дараа "Хүн үсэрчихлээ" гэх дуудлага ирсэн гэнэ.

Тус хотхоны оршин суугчдын хэлж буйгаар "Үсрэх гэж байсан хүнийг цагдаагийн алба хаагч "Цаашаа ор" гэж хэлсэн. Гэтэл 16 давхар руу гараад гэнэт үсэрчихсэн. Хүүхэд нь үсрэх гэж байхыг нь харсан. Талийгаачийн хүү ээжийгээ унасны дараа уйлаад "СӨХ-ийн буруу" гээд байсан" гэв.

Талийгаач 20 гаруй насны эмэгтэй байсан бөгөөд эрэгтэй хүний гутал, хувцас өмссөн байжээ.

Баянзүрх дүүргийн 26 дугаар хорооны нутаг дэвсгэрт гуравдугаар сарын 17-ны өдрийн 06:00 цагаас гуравдугаар сарын 21-ний 23:00 цаг хүртэл хязгаарлалтын дэглэм тогтоогоод байгаа. Мөн тус хороонд хөл хорихтой зэрэгцэн хорооны Засаг дарга нь солигдсон юм. Иргэд үүнийг эсэргүүцэж, гарын үсэг цуглуулан хороон даргаа эргүүлэн ажилд нь томилохыг шаардан жагсаж байгаа билээ.

Хатуу хөл хорионд байсан эмэгтэй 15 давхраас унаж, амиа алджээ

АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 2

Сэтгэгдэл үлдээсэн: 2021-03-20 09:44:45

р: хүүхдээ харсаар бхд нь үсэрчихдэг тэнэг вэ хатуу хөл хорио ямарч буруугүй өөрсдийх нь төлөө шд эрүүл байгаасай балай юм
Сэтгэгдэл үлдээсэн: 2021-03-19 17:42:32

Иргэн: За яасан аминдаа хайргүй арчаагүй эх бэ. Хүүхэдтэй эх хүний араншин биш. Энэ улс төрийн явуулга байхаа.