Элчин сайд У.Нямхүү Сенатын гишүүн, Сенат дахь Франц, Монголын найрамдлын бүлгийн дарга Ф.Мүеэгийн урилгаар орон нутгийн Ниорт хотноо уригдаж тус бүс нутгийн аялал жуулчлал, эдийн засгийн онцлогтой танилцав. Мөн тэрбээр Монгол, Францын хамтын ажиллагаа, Францын улс төрийн намуудын санхүүжилтийн эрх зүй, Сенат, Үндэсний ассамблей дахь гишүүдийн үүрэгийг сонирхлоо.

   Үүнээс гадна хэвлэл мэдээллийн эрх чөлөө, хараат бус байдал, томоохон төсөл хөтөлбөрүүдийн олон нийтэд хүлээн зөвшөөрөгдөх явц, “СОР-17” бага хурал, арга хэмжээ зэрэг нийгэм улс төр, эдийн засгийн олон талын асуудлаар мэдээлэл, санал солилцлоо.