Хан-Уул дүүргийн  гуравдугаар хороо “ДЦС-3” ТӨХК-ийн өндөр даралтын турбин цех дотор гал гарчээ. Тодруулбал, 00:27 цагт Онцгой байдлын байгууллагад дуудлага бүртгэгдэж, дуудлагын дагуу НОБГ-ын Гал түймэр унтраах, аврах 10, 14, 30, 18, 26, 63 дугаар ангийн алба хаагчид гал түймрийг унтраахаар ажиллаж, галыг бүрэн унтраасан байна. Ослын улмаас нэг иргэн амиа алдсан гэх мэдээлэл гарсан. Энэ талаар ЦЕГ-ын Хэвлэл мэдээллийн төвийн мэргэжилтнээс тодруулахад “Ослын улмаас 53 настай эрэгтэй Х амиа алдсан нь үнэн. Талийгаач “ДЦС-3” ТӨХК-ийн ажилтан байсан эсэх нь тодорхойгүй байна” гэлээ.