Өнгөрсөн нэгдүгээр сарын 23-24-нд шилжих шөнө Баянгол дүүрэгт амьдардаг нэг гэр бүлийн зургаан хүн угаартаж, нас барсан харамсалтай хэрэг гарсан. Энэ талаар талийгаачийн том хүү болох хилийн цэргийн  О.Одбаярыг мэдээлэл хийх үеэр нагац ах гэх иргэн "Төрийн ордны гадна мэдээлэл өгүүлэхгүй, хамгаалалтын албаныханд мэдээлэл хийлгэж болохгүй шүү гэж хэлсэн. Одбаяр аа, чи буруу ярив" хэмээн  татаж чангааж буй цахим орчинд бичлэг цацагдсан.

       Тэгвэл тухайн үед мэдээлэл хийлгэхгүй гэсэн иргэн талийгаачийн ар гэр, О.Одбаярын нагац ах мэдээлэл гаргажээ. Тэрбээр өөрийн цахим хаягаараа дамжуулан "Миний куртик ногоон биш ЦЭНХЭР. Энийг хуулийн зөвлөхтэй хэвлэлийн бага хурал хийж байж Засгийн газарт хүрнэ. Энд ингэж ярилаа гээд та нар гурав хоноод л мартдаг шүү дээ. Худлаа баахан коммент, пост бичлээ гээд  хэзээ ч манай дүүг хамгаалж чадахгүй"  хэмээн мэдэгдсэн байна.

Бид иргэн М.Мөнх-Өлзийтэй холбогдож, өчигдөр болсон үйл явдлынх нь талаар тодруулахад "Бид шүүх шинжилгээний хариу гарах хүртэл хүлээж байна.  Цаг нь болохоор бид хуулийн зөвлөхтэй мэдээлэл хийж, хуулийн хүрээнд Засгийн газарт хариуцлага тооцох хүртэл нь явна. Мэдээлэл хийгээд эхлэхээр нь архичин, хулгайч байсан гэж харлуулж байгааг та нар харж байгаа биз дээ. Тийм учраас бид яарч мэдээлэл хийхгүй. Хуулийн дагуу шийдүүлнэ" гэлээ.