Өвөрхангай аймгийн Сант сумын Ардчилсан намын дарга Б.Батмөнх бусдын гарт амиа алдсан харамсалтай хэрэг энэ сарын 15-16-нд шилжих шөнө гарсан. Тодруулбал, талийгаачийг тус сумын малчин П.Отгонбаатар “МАН-ын дарга нар ирчихсэн байхад хуралд суусангүй” гэх шалгаанаар зодож, амийг нь хөнөөсөн гэх мэдээлэл бий. Тухайн үед юу болсон талаар тус сумын Засаг дарга Б.Адъяатогтохоос тодрууллаа. Тэрбээр “Хэрэг гарсан үед би тэдэнтэй хамт байгаагүй. Тиймээс юунаас болж тэднийг муудалцаж, нэгнийхээ аминд хүрснийг мэдэхгүй байна. Сонгуулиас болж АН-ын дарга бусдын гарт амиа алдсанд харамсаж байна. Энэ хэргийн үнэн учрыг хууль хяналтынхан олж тогтоох байх” гэлээ.