Баянхонгор аймгийн Баянговь сум Залаа багийн Их богд ууланд долоон хүн аялж байснаас “Нэг хүний бие муудсан тул уулнаас буулгаж өгнө үү” гэсэн дуудлагыг дөрөвдүгээр сарын 27-ны өдрийн 22:10 цагт онцгой байдлынхан хүлээн авсан байна. Тус аймгийн Онцгой байдлын газрын Баянговь сум дахь Эрэн хайх, аврах бүлэг, сумын Цагдаагийн хэсэг, аймгийн Шүүх шинжилгээний газрын алба хаагчдыг очиход иргэн Э 56 настай эмэгтэй Их богд ууланд нас барсан байсан тул цогцсыг дөрөвдүгээр 29-ний өдрийн 17:30 цагт уулнаас буулгаж аймгийн цагдаагийн газрын мөрдөгчид шилжүүлэн өгсөн байна.