Гэрээсээ гараад сураггүй байсан өмгөөлөгч Г.Батбаяр амиа алдсан гэх мэдээлэл олон нийтийн сүлжээгээр цацагдсан. Энэ талаар ЦЕГ-ын Хэвлэл мэдээллийн төвийн ажилтнаас тодруулахад “Цагдаагийн байгууллагад өчигдөр иргэн Н-аас өөрийн төрсөн ах Б-г оршин суух хаягандаа ирээгүй тул эрэн сурвалжлуулах талаар өргөдөл гаргасан. Өргөдлийн дагуу цагдаагийн байгууллагаас тухайн иргэнийг олж тогтоох чиглэлээр шуурхай эрэн сурвалжлах ажлыг зохион байгуулахад Хан-Уул дүүргийн 22 дугаар хорооны нутаг дэвсгэрт байрлах "Богд хаан" амралтын газрын автомашины зогсоолд байрлуулсан автомашинд нас барсан байдалтай олдсон. Тиймээс мөрдөн шалгах ажиллагааг үргэлжлүүлэн явуулж байна" гэв.