Улаанбаатараас Өмнөговь аймгийн чиглэлд зорчиж явсан хүн тээврийн автобус том оврын автомашинтай мөргөлдсөн зам тээврийн осол гарсан талаар бид мэдээлсэн. Тухайн үед осолд өртсөн автобус нь “Энержи ресурс” компанийн уурхайчдыг тээвэрлэж яваад, “Петровис” компанийн шатахуун тээврийн машинтай мөргөлдсөн байдаг. 

 Тухайн үед болсон ослын үеэр зорчигчид гэмтэж, Гэмтэл согог судлалын үндэсний төвд эмчлүүлж байгаа талаар бид мэдээлсэн билээ. Ослын талаар "Петровис" компанийн хэвлэл мэдээлэлтэй харилцах хэлтсээс тодруулахад "Зам тээврийн осол болсон хэргийг цагдаагийн байгууллагаас шалгаж байгаа.  Жолоочийн биеийн байдал хэвийн. Азаар ослын үеэр хүний аминд эрсдэл учраагүй. Тухайн үед осолдсон шатахууны автомашин шатахуун түгээх газарт шатахуунаа хүргэчихээд хоосон явж байсан юм билээ. Манай Өмнөговь аймаг дахь салбарын удирдлагууд гадаадад томилолтой байгаа учраас тухайн үед мэдээлэл өгөх боломжгүй байсан байна. Тухайн үед шатахуун түгээх автомашин замын хальтаргаа гулгаанаас болж автобустай мөргөлдсөн гэх урьдчилсан мэдээлэлтэй байна" хэмээн мэдэгдлээ.