Эрүүгийн цагдаагийн албанаас хууль бусаар палеонтологийн хайгуул, малтлага хийж, одоогоос 70 сая орчим жилийн өмнөх үед хамаарах махчин динозаврын төрөл Тарбозаврын толгойн ясыг хууль бусаар олж авсан долоон иргэний илрүүлжээ. Тодруулбал,  энэ сарын 16-ны өдөр тарбозаврын толгойн ясыг БНХАУ-ын иргэдэд худалдан борлуулах зорилгоор тээвэрлэж явсан иргэдийн хууль бус үйлдлийг илрүүлэн шалгаж байгаа аж.

   Мөрдөн шалгах ажиллагааны хүрээнд холбогдох этгээдүүдийн эзэмшлийн тээврийн хэрэгсэл, орон байранд хийсэн нэгжлэгээр 84 см х 112 см хэмжээтэй Тарбозаврын толгойн ясыг илрүүлэн хураан авч, мэргэжлийн байгууллагад хүлээлгэн өгөөд байна.