Сонгуульд нэр дэвших хүмүүс Сонгуулийн тухай хуульд заасны дагуу сонгуулийн жилийн нэгдүгээр сарын 1-ээс өмнө ажлаа өгч, албан тушаалаасаа чөлөөлөгдсөн байх ёстой. Сонгуульд нэр дэвшихээр ажлаа хүлээлгэн өгсөн байх магадлалтай хүмүүсийн дунд “Цемент шохой” ТӨХХК-ийн Гүйцэтгэх захирал асан Л.Наранбаатарын нэр дурдагдсан. Түүнээс сонгуульд нэр дэвших эсэх талаар тодруулахад “Би арванхоёрдугаар сарын 25-нд үүрэгт ажлаа хүлээлгэн өгсөн нь үнэн. Сонгуульд нэр дэвших эсэхийг сэтгүүлч нар мэдэх байх. Үүнд тодорхой тайлбар өгөх боломжгүй байна” гэв.