Монгол Улсын Засгийн газраас хэрэгжүүлж байгаа “Авлигатай тэмцэх таван "Ш" ажиллагаа”-ны “Шувуу” ажиллагааны хүрээнд удаа дараагийн үйлдлээр бусдыг залилах гэмт хэрэг үйлдсэн иргэнийг дайчлан баривчилжээ. Тодруулбал, бусдад зургаан тэрбум 100 сая орчим төгрөгийн хохирол учруулсан гэх хэрэгт "Ө" гэгчийг Интерполын “Хөх булант” зар мэдээгээр эрэн сурвалжилж байсан аж. Тэгвэл түүнийг өнөөдөр Швед Улсаас холбогдох хууль, тогтоомжийн хүрээнд албадан авчирч, мөрдөн шалгах ажиллагааг үргэлжлүүлж байна.