Сүхбаатар дүүргийн 13 дугаар хорооны нутаг дэвсгэрт амьдардаг есөн настай А өнөөдөр 13:00 цагийн үед гэрээсээ буюу тус дүүргийн Рашааны тавдугаар гудамжны байрнаас гараад сураггүй болжээ.

    Энэ талаар түүний ээжээс тодруулахад “Хүүгийн минь хичээл 11:00 цаг өнгөрөөгөөд тардаг юм. Миний ажил сургуультай нь ойролцоо болохоор хүү хичээлээ тарчихаад манай ажил дээр ирдэг. Өнөөдөр хүүгээ ажлаасаа гэрт нь хүргэж өгсөн боловч зөрж гараад сураггүй болчихлоо. Хүү минь цахим тоглоом тоглодоггүй, тоглож мэддэгүй. Одоогоор цагдаа нартай хамт хүүгээ хайж, камерын бичлэг шүүж үзэж байна” гэв.