Цагдан хорих 461 дүгээр хаалттай хорих ангид хоригдож байгаа “Эрдэнэс Таван толгой” ХХК-ийн захирал асан Б.Ганхуягийг өнөөдөр ухаан алдаж, эмнэлэгт хүргэгдсэн гэх мэдээлэл гарсан. Тодруулбал, түүний тархины хаван, ходоодны хорт хавдар сэдэрч, ухаан алдсан, одоог хүртэл ухаан ороогүй байгаа” гэх мэдээлэл олон нийтийн сүлжээгээр цацагдаад байгаа юм.

     Бид 461 дүгээр ангийн мэргэжилтнээс түүний биеийн байдлын талаар тодруулахад “Б.Ганхуяг ухаан алдаж, эмнэлэгт хүргэгдсэн гэдэг нь худал мэдээлэл байна. Манайд хоригдож буй хоригдогч нарын биеийн байдал өнөөдөр хэвийн байсан. Хэн ч эмнэлгийн тусламж, үйлчилгээ аваагүй” гэсэн юм.