Төв аймгийн Заамар суманд үйл ажиллагаа явуулдаг бичил уурхайн долоон ажилчин метиллийн спирт ууж, дөрөв нь амиа алдсан хэрэг гарчээ. Тодруулбал, арванхоёрдугаар сарын 5 буюу өчигдөр 19:00 цагийн орчимд “Бичил уурхайд хүн нас барлаа” гэх дуудлага цагдаагийн байгууллагад ирсэн байна. 

31-49 насны дөрвөн хүн хордож амиа алдсан бол 40 настай эрэгтэйн биеийн байдал хүнд, эмнэлэгт эмчлэгдэж байгаа аж

Энэ талаар Онцгой байдлын ерөнхий газрын дэд дарга, хурандаа Б.Ууганбаяр “Төв аймгийн Заамар суманд үйл ажиллагаа явуулдаг бичил уурхайд долоон хүн техникийн спирт ууж, нэг нь газар дээрээ, гурав нь Заамар сумын Хайлааст багийн эмнэлэгт нас барсан. Үлдсэн гурав иргэн нь Улсын нэгдүгээр төв эмнэлэгт эмчлүүлж байгаагаас нэг хүний биеийн байдал хүнд байна” гэв.