Замын-Үүд боомт дахь Хилийн мэргэжлийн хяналтын албаныхан Монгол Улсын хилээр нэвтрүүлэхийг хориглосон бараа бүтээгдэхүүнийг хууль бусаар тээвэрлэсэн зөрчлийг илрүүлжээ. Тодруулбал, Хилийн мэргэжлийн хяналтын алба, хууль хяналтын байгууллагатай хамтран өчигдөр экспортын хяналтын талбайд хяналт, шалгалт хийсэн байна.

Энэ үеэр “56-99 УБТ”, “85-11 УБИ” улсын бүртгэлийн дугаартай тээврийн хэрэгсэл нь  574 килограмм адууны өлөн гэдэс, 1.2 тонн зэсийг нуун дарагдуулж, хууль бусаар улсын хил гаргах гэж байсан зөрчлийг илрүүлжээ. Албаны эх сурвалжийн мэдээлснээр хилээр нэвтрүүлэхийг хориглосон барааг автомашины дугуй дотор нуун хил гаргахыг завдсан байна.