Төв аймгийн Лүн сумын нутгаас харлаж, хатсан эрэгтэй хүний цогцос олджээ. Энэ талаар цагдаагийн ерөнхий газрын хэвлэл мэдээллийн төвийн мэргэжилтнээс тодрууллаа. Тэрбээр “Төв аймгийн Лүн сумын нутгаас эрэгтэй хүний цогцос олдсон тухай дуудлага өчигдөр 04:12 цагт бүртгэгдсэн байна. Шалгалтын явцад талийгаач Улаанбаатар хотын Сонгинохайрхан дүүргийн харьяатай, 52 настай эрэгтэй М болох нь тогтоогдсон. Шалгалтын ажиллагаагаар талийгаачийг ямар шалтгааны улмаас нас барсан болохыг тогтоохоор ажиллаж байна. Хэргийг Төв аймгийн Заамар сум дахь цагдаагийн хэлтэст шалгаж байгаа" гэв.