Баянзүрх дүүргийн 14 дүгээр хорооны нутаг дэвсгэрт байрлах “Нарт хотхон”-д 11 настай Б 13 настай Э гэх охиныг  61 удаа  хутгалж, онц хэрцгийгээр аминд нь  хүрсэн. Мөн түүний дүү долоон настай эрэгтэй Э-ийг 11 удаа хутгалж, биед нь хүнд гэмтэл учруулсан ноцтой хэрэг энэ сарын 7-нд гарсан. Долоон настай хүүгийн биеийн байдал маш хүнд ГССҮТ-ийн эрчимт эмчилгээний тасагт хэвтэн эмчлүүлж байсан юм.

       Одоогоор хүүхдийн биеийн байдал ямар байгаа, эмнэлгээс гарсан эсэхийг түүний ахаас тодрууллаа. Тэрбээр “Дүүгийн биеийн байдал сайжирч, энгийн тасагт шилжсэн. Гэхдээ эмнэлгээс гарах болоогүй байгаа” гэсэн юм. Мөн тус хэргийг үргэлжлүүлэн шалгаж, хуулийн дагуу сэжигтнээс шалтгаан нөхцөлийг тодруулж, мэдүүлэг авч байгаа аж. Хэргийг хуулийн дагуу шалгаж тогтоосны дараа хэрэгсэхгүй болгож, хавтаст хэргийг хаах юм. Учир нь Эрүүгийн хуулийн 6.2.3 дугаар зүйлд “Гэмт хэрэг үйлдэх үедээ арван дөрвөн насанд хүрсэн ба арван найман насанд хүрээгүй хүнд ял оногдуулахгүйгээр хуульд заасан хүмүүжлийн чанартай албадлагын арга хэмжээ хэрэглэж болно” хэмээн заасан байдаг.

         Хэдийгээр тус хэргийг хэрэгсэхгүй болгож, “Эрүүгийн хуулиар ямар ч хариулцлага хүлээлгэх боломгүй ч криминологийн шинжлэх ухааны судлагдахуун болж яагаад ийм үйлдэл хийх болсон шалтгаан нөхцөл, түүнд нөлөөлсөн хүчин зүйлсийг олон салбарын эрдэмтэн, судлаач мэргэжилтнүүд өөр өөрийн өнцгөөс тайлбарлаж тогтоох шаардлагатай. Ингэснээр энэ мэт ноцтой гэмт үйлдэлд эрүүгийн хариуцлага хүлээлгэх насыг хэд байхыг нийгэм, хувь хүний хөгжлийн онцлогт нийцүүлэн шинжлэх ухааны үндэстэй тогтоох боломжтой” хэмээн Хүний эрхийн үндэсний комиссын гишүүн З.Энхболд өөрийн үзэл бодлоо илэрхийлсэн юм.  Мөн хохирогчийн нагац эгчээс хэрэг яагаад, юунаас болж гарсан байж болзошгүй талаар зарим зүйлийг тодруулсан юм.

       Мөн хохирогчийн нагац эгчээс хэрэг яагаад, юунаас болж гарсан байж болзошгүй талаар зарим зүйлийг тодруулсан юм. Тэрбээр “Миний эгч бага насны хоёр хүүхдээ маш сайн хардаг байсан. Сэжигтэн Б гэх хүүхдийнх ахынхтай нэг хашаанд айл. Хамаатны хүүхдүүд хоорондоо ямар харилцаатай амьдардаг байсныг хэлж мэдэхгүй. Сэжигтэн Б-ийг сэтгэцийн хувьд эрүүл, сургуульд сурдаг хүүхэд байсан гэсэн. Гэхдээ дотроо юу санаж, бодож байсныг хэн ч мэдэхгүй шүү дээ. Хохирогч дүү нарын минь аав, ээж охиноо нас барсныг мэднэ. Харин хажуу айлын хамаатных нь хүүхэд хөнөөсөн гэдгийг мэдээгүй байгаа. Тэдний сэтгэлзүйн хямралтай, тэдэнд үгээр хэлэхийн аргагүй хэцүү байна. Манай охин дүү ээжийгээ сайн асардаг, тусалдаг, дүүдээ халамжтай, дөлгөөн, тайван зантай хүүхэд байсан. Аав, ээж нь архины хамааралтай ч гэсэн хүмүүжил сайтай хүүхдүүд байсан юм. Хэрэг гардаг өдөр аав нь хөдөө явчихсан, ээж нь архи уугаагүй эрүүл байсан юм билээ. Харин сэжигтэн Б ээжтэйгээ дөрвүүлээ амьдардаг” гэсэн юм.