Өвөрхангай аймгийн Өлзийт суманд онц ноцтой хэрэг энэ сарын 13-нд гарчээ. Тодруулбал, тус сумын нутагт 35 настай эрэгтэй согтуурсан үедээ 32 настай эхнэрээ портер автомашинаар дайрч хөнөөгөөд, өөрийгөө боомилж, амиа алджээ. Тус хэргийн талаар Есөнзүйл сумын Засаг даргаас тодрууллаа.

      Тэрбээр “Талийгаач нар манай сумаас гурван жилийн өмнө Хужирт сум руу шилжсэн. Хэд хоногийн өмнө манай суманд ирж, хамаатан садан, найз нөхдийнхөөрөө орж айраг, архи уусан юм билээ. Тэгээд буцах замдаа муудалцаж, эхнэрийнхээ аминд хүрсэн гэсэн. Тус хэрэг Өлзийт сумын нутагт болсон. Талийгаач нар гурван хүүхэдтэй байсан” гэлээ.