• Өнөөдөр 2024-03-29

Барилгаас унаж, хүнд гэмтсэн дэд ахлагчийн ах У.Э: Амьд үлдэх магадлал 20 хувьтай гэхээр ямар байгаа нь тодорхой

2021-08-07,   2487

         Зэвсэгт хүчний 064 дүгээр цэргийн ангийн хашаанд баригдаж буй барилга дээрээс өнөөдөр 00:00 цагийн орчим хоёр хүн унасан ноцтой хэрэг гарчээ.


Өндрөөс унаж, хүнд бэртэл авсан залуусын нэг нь тус ангийн алба хаагч байсан гэнэ. Тэднийг яаралтай түргэн тусламжаар ГССҮТ рүү хүргэжээ. Одоогоор тус ангийн удирдлагууд болон удирдах байгууллагын албан тушаалтнууд, гэр бүлийнх нь хамт ГССҮТ-ийн гадна цуглаад байгаа аж.

         Бид бэртэл авсан алба хаагчийн ахтай холбогдож ослын талаар тодруулахад “Манай дүү Зэвсэгт хүчний 064 дүгээр ангид ажилладаг, дэд ахлагч цолтой. Барилга дээр ажиллаж байсан юм. Хамт унасан хүн нь тэр барилгын ХАБ-ын инженерийнх нь нөхөр байсан юм байна лээ. "Барилгын дээврийг яаралтай дуусга" гэдэг тушаал авсны дагуу ажиллаж байсан. Барагцаагаар таван метр орчим өндрөөс унасан байгаа юм. Дүүгээ өндрөөс унасныг сонсоод л ГССҮТ-д ирлээ. Одоогийн байдлаар ангийнх нь дарга нар ирчихсэн байна. Мөн дөнгөж сая цагдаа ирж байцаалт, мэдээлэл авч байх шиг байна. Эмч нар "Дүүгийн чинь бие маш хүнд байна" гэсэн. Амьдрах магадлал 20 хувьтай гэхээр ямар байгаа нь тодорхой. Амьд мэнд үлдээсэй л гэж бодож байна” гэв.  

"Барилгын дээврийг яаралтай дуусга" гэдэг тушаал авсны дагуу ажиллаж байсан.


Барилгаас унаж, хүнд гэмтсэн дэд ахлагчийн ах У.Э: Амьд үлдэх магадлал 20 хувьтай гэхээр ямар байгаа нь тодорхой
АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 0
Шинэ мэдээ
Нийтлэлчид
Монгол Улс, Улаанбаатар хот, Сүхбаатар дүүрэг, VIII хороо, "Ардын эрх"-ийн байр, Гуравдугаар давхарт Эргэлт.мн редакц
7509-1188