Хөвсгөл нуурын усанд автомашинаа угааж байгаа эмэгтэйн зураг цахим орчинд тархаж, олон нийтийн зүгээс багагүй шүүмжлэл дагуулсан. Тодруулбал, 6777 УБХ улсын дугаартай “Лексус-570” маркийн автомашины жолооч машинаа голын усанд угааж, шаардлага тавихад нь эсэргүүцсэн тухай нэг иргэн цахим сүлжээгээр мэдээлсэн юм. Тэгвэл энэ талаар тус автомашиныг унаж, явсан Хөвсгөл аймгийн Хатгал сумын иргэн н.Баярмаагаас тодрууллаа.

Тэрбээр “Тэр өдөр би 6777 УБХ улсын дугаартай автомашиныг унаж явсан. Гэхдээ би Хөвсгөл нууранд автомашинаа угаагаагүй. Угаадаг ч хүн биш. 

          Би Хөвсгөл аймгийн Хатгал сумын уугуул, сумынхаа Иргэдийн төлөөлөгчдийн хурлын даргаар олон жил ажилласан. Тухайн үед би нуурын ойролцоо зогсоод авч явсан хоёр саваа усаар дүүргэж, алчуураа норгох үед л тийм зураг дарчихсан байсан.

          Тэгээд энэтэй холбоотойгоор надад торгууль бичнэ гэсэн. Би Хөвсгөл аймгийн болон Хатгал сумын экологийн цагдаад мэдүүлэг өгсөн” гэв.