Сэлэнгэ аймгийн Мандал сумын Хэрх багийн Хужирт гэдэг газар аймгийн төвөөс зүүн урд зүгт 218 километрийн зайд суудлын автомашин замын хажуу руу онхолдож, автомашины бүхээгт хоёр хүн хавчуулагдаж нас баржээ. Тус аймгийн Цагдаагийн байгууллагаас мэдээлсний дагуу Мандал сум дахь Онцгой байдлын хэлтсийн Гал түймэр унтраах, аврах 19 дүгээр ангийн алба хаагчид 15 километр замыг туулан “Севик” загварын суудлын автомашины бүхээгт хавчуулагдаж нас барсан жолооч 55 настай эрэгтэй, зорчигч 50 настай эмэгтэй нарын цогцсыг гаргаж, сумын Цагдаагийн хэлтсийн мөрдөгчид шилжүүлэн өгсөн байна.

                                                                                                  Н.АРИУНСАЙХАН