Монгол Улсын Ерөнхий сайд Л.Оюун-Эрдэнэ Дорноговь аймгийн Замын-Үүд суманд ажилласан. Тэрбээр Мэргэжлийн хяналтын байгууллагын хүнд суртал, авлига гаарч байгаа тухай мэдэгдэл хийсэн билээ. Үүнтэй холбоотойгоор ХЗДХ-ийн сайд Х.Нямбаатар Замын-Үүд суманд ажиллаж байгаа юм.

       Түүний ажлын хэсэгт АТГ, ЦЕГ-ын алба хаагчид багтсан бөгөөд Замын-Үүд боомтод авлига, албан тушаалын хэрэгт холбогдсон хүмүүсийг баривчлах ажиллагаа явуулна гэх мэдээллийг манай сайтад эх сурвалжууд өгөөд байна. Тэгвэл ХЗДХ-ийн сайд Х.Нямбаатарын ажлын хэсэг Замын-Үүд сумын Засаг дарга Б.Анхбаярыг баривчилжээ. Албан бус эх сурвалжийн мэдээлснээр 48 цагийн баривчилгаа гэнэ.