СЭЛЭНГЭ АЙМГИЙН ХЭМЖЭЭНД АЖИЛЛАЖ БУЙ ХУУЛЬ, ШҮҮХИЙНХЭН ХЭРЭГ НАЙМААЛЦАЖ, ХАХУУЛЬ АВДАГ УУ

    Сэлэнгэ аймагт өсвөр насны хүүхдүүд нэгнийгээ хүчирхийлсэн харамсалтай хэрэг гараад багагүй хугацаа өнгөрчээ. Харин тус хэргийг Сэлэнгэ аймгийн цагдаагийн байгууллагын Мөрдөн шалгах хэлтсийн ахлах мөрдөгч, дэслэгч, ахмад мөрдөгч нар хамтарч хүчингийн хэрэгт холбогдсон хүүхдүүдийн эцэг, эхээс “Хэргийг нь хэрэгсэхгүй болгож өгнө” хэмээн 40 сая гаруй төгрөгийн хахууль авсан гэх. Тэд хэрэгт холбогдсон хүүхдүүдээс байцаалт авахдаа айлган сүрдүүлж, цагдаагийн газарт барилгийн ажил хийлгэж, эрүүдэн шүүж, дарамталдаг байсан тухай эх сурвалжууд бидэнд мэдээлсэн юм. Тухайлбал, цагдаа нар хүүхдүүдийг өдөр, шөнөгүй дуудан залхаан цээрлүүлдэг, мөнгө өгөхгүй бол элдвээр дарамталдаг байсан байж болзошгүй байгаа юм. Зарим эх сурвалжийн мэдээлснээр "Сэлэнгэ аймгийн цагдаагийн газрын алба хаагчид хоорондоо хуйвалдаж бусдаас их хэмжээний хахууль аваад сурчихсан. Түүнийг нь цагдаагийн газрын дарга н.Ганхуяг мэддэг мөртлөө тэдэнд ямар ч арга хэмжээ авдаггүй. Албаныхантайгаа хамтарч авлига, албан тушаалын хэрэгт холбогдож, тэднийг толгойлдог" гэв. Тиймээс дээрх хүчингийн хэргийг Сэлэнгэ даяараа мэддэг, мэддэг болтол нь удааж байгаа хуулийн байгууллагынхан хүчирхийлэл үйлдсэн хүүхдүүдийн эцэг, эхээс их хэмжээний мөнгө авсан учир хэргийг нь өнөөдрийг хүртэл шийдэж өгөөгүй, удаашруулсан байдалтай байгаа гэнэ.  Тэгэхээр Сэлэнгэ аймгийн цагдаагийг газрын дарга н.Ганхуяг ч мөн албаныхантайгаа хулгай, хүчин, хүн амины хэргийг нуун далдаж, бусдаас их хэмжээний мөнгө авч байж болзошгүй. 

 ХЭРГИЙГ ҮНЭН, ЗӨВӨӨР ШИЙДЭЖ ЧАДДАГГҮЙ, МӨНГӨ ГОРЬДДОГ ХУУЛИЙНХАНД ХАРИУЦЛАГА ТООЦОЖ ЧАДАХ УУ, Х.НЯМБААТАР САЙД АА

       Бусдын хэргийг үнэн, зөвөөр шийдэж чаддаггүй эрх мэдэл, албан тушаалын байдлаа урвуулан ашиглаж, мөнгөтэй талд үйлчилж, бусдаас мөнгө царайчилдаг цагдаа, шүүхийнхэн сүүлийн үед нэмэгдэх болсон гэж олон нийт шүүмжлэх боллоо. Түүний хамгийн сүүлийн үеийн жишээ бол Сэлэнгэ аймгийн хууль сахиулагчид байж болзошгүй. Нутгийн иргэд нь аймгийнхаа шүүх, прокурорын байгууллагын өндөр албан тушаалтан зарим шүүгч, шүүхийн захиргааны алба хаагчдыг хэрээс хэтэрч байгааг онцолсон юм. Энэ нь зөвхөн Сэлэнгэ аймгийн хэмжээнд яригдаж буй хэрэг биш улсын хэмжээнд газар аваад байгаа нь харамсалтай. Үнэнийг тогтоож, шийдэж чаддаггүй, бусдын гар хардаг хуулийнхныг шалгаж, хариуцлага тооцож байгаа юу Х.Нямбаатар сайд аа. Тэд бусдын хамааралгүй үнэн зөвөөр аливаа хэргийг шийдэж сурсан цагт монголчууд хуулиа дээдэлж, хүн бүхэнд хууль үйлчилдэг болох юм биш үү.