Эргэлт.мн мэдээллийн сайтын өнгөрч буй долоо хоногт нийтэлсэн онцлох нийтлэлийг танилцуулж байна.

Зохиосон мэргэжилдээ оюутнуудаас жилийн 1.8 сая төгрөгийн төлбөр авч байжээ

Бид Үндэсний Батлан хамгаалахын их сургуулийн удирдлагуудыг АТГ-аас шалгаж эхэлсэн талаар цувралаар мэдээлсэн билээ. Тодруулбал, тус сургуулийн удирдлагууд Боловсрол, шинжлэх ухааны яаманд бүртгэлгүй мэргэжлээр элсэлт авч, 400 гаруй оюутныг хохироогоод байгаа ноцтой баримтыг бид хүргэж буй. Одоогийн байдлаар ҮБХИС-д дөрвөн жил суралцаж төгссөн ч мэргэжлийн дипломоо авч чадаагүй 120 гаруй оюутан байгаа бол 280 орчим нь удахгүй төгсөх юм байна. Тус сургуулийн удирдлагууд албан тушаал, эрх мэдлээ урвуулан ашиглаж, бусдыг хохироосон байж болзошгүй гэх эл хэрэг Нийслэлийн мэргэжлийн хяналтын газраас явуулсан шалгалтаар ил болсон гэдэг. Харин энэ талаар салбарынх нь яамны мэргэжилтэн “Ажлын хэсэг байгуулагдаад шалгах гэж байгаа. Хяналтын шалгалтыг жил болгон явуулж байсан. Манайхаас эл хэргийг шалгаж, илрүүлээгүй учраас сайн мэдэхгүй” гэх утга бүхий тайлбарыг өгсөн байдаг.

Энэ талаар бид “ҮБХИС-ийн удирдлагуудыг мэргэжил зохиож, 400 гаруй оюутныг залилсан хэргээр шалгаж эхэллээ” нийтлэлийг хүргэсэн. Уншигч та уг нийтлэлийн дэлгэрэнгүйг дараах холбоосоор орж уншина уу. https://ergelt.mn/news/70/single/2419

ҮБХИС-ийн захирлууд оюутнуудад хуурамч диплом олгосон гурван тэрбумын хэргийн мөрөөр

Тус сургуулийн удирдлагууд оюутан, залуусын хувь заяагаар тоглож, хуурамч, хэнд ч хэрэггүй диплом нэртэй цаас олгосон. Бүр оюутнуудын цаг хугацааг алдагдуулахаас гадна дөрвөн жил сургалтын төлбөрийг нь авч байжээ. Оюутнууд мэргэжлээрээ ажиллах гэтэл хуурамч дипломтой гэдэг нь илэрч,  бусад сургуульд мэргэжил дээшлүүлэх, гадаадад өөр сургуульд элсэн суралцах боломжгүй болсон байна. Хууль хяналтынхан ч дээрх хэргийн мөрөөр эрүүгийн хэрэг үүсгэн шалгаж байгаа аж. Үндэсний Батлан хамгаалахын сургуулийг 2014 онд удирдаж байсан захирлаас эхлээд одоогийн захирал, тэнхимийн эрхлэгч, сургалтын менежер,  Боловсролын яамны холбогдох хэлтсийн дарга, мэргэжилтнүүд гээд цөөнгүй албан тушаалтан ажилдаа хайнга хандсан, үгсэн хуйвалдаж, бусдыг залилан мэхэлсэн байж болзошгүй үндэслэлээр  буруутгагдан шалгагдаж эхэлсэн байна. Албаны эх сурвалжаас авсан мэдээллээр одоогийн байдлаар  есөн мэргэжлээр суралцсан 400 гаруй залуус хохироод байгаа юм байна. Дипломгүй учир төгсөгчид ажилд ч орж чадахгүй гэрийн мухар сахих, ажилгүй сууцгааж байгаа аж. Нэг оюутнаас дөрвөн жилд 6-7 сая төгрөг гэж тооцоолбол, 400 оюутнаас гурван тэрбум орчим төгрөгийн таван жилийн хугацаанд шамшигдуулсан болж таарах нь. Оюутнуудыг хууран мэхлэх үйл ажиллагаа нь энэ хичээлийн шинэ жил илэрсэн учраас тус ангиуддаа дахин элсэлт аваагүй гэнэ.

“ҮБХИС-ийн захирлууд оюутнуудад хуурамч диплом олгосон гурван тэрбумын хэргийн мөрөөр” гэх нийтлэлийн дэлгэрэнгүйг https://ergelt.mn/news/70/single/2455 уг холбоосоор нэвтэрч унших боломжтой. 

Л.Цэдэвсүрэн сайд аа, дээд боловсрол, бодлогын газрынхны буруугаас болж хуурамч дипломтой үлдсэн төгсөгчдийг яах вэ

Үндэсний батлан хамгаалахын их сургуулийн удирдлагууд илтэд хууль зөрчиж, Боловсрол, шинжлэх ухааны яамнаас ямар ч зөвшөөрөл авахгүйгээр есөн мэргэжилд өөрсдийн дур зоргоор элсэлт аваад зургаан жил болсныг та мэдэж байгаа юу, Л.Цэдэвсүрэн сайд аа.  Өөрөөр хэлбэл, Монгол Улсын Батлан хамгаалахын их сургууль Боловсролын тухай хуулийн заалтыг илтэд зөрчиж, зөвшөөрөлгүйгээр дээд боловсрол олгох сургалтын үйл ажиллагаа явуулсан. Бүр хуурамч бичиг баримт бүрдүүлж, боловсролын диплом төгсөгчдөд олгосон асуудал үүсээд байгаа. АТГ-ынхан дээрх асуудлыг шалгаж эхэлсэн гэдгийг Нийслэлийн прокурорын газраас мэдэгдээд буй. Хуурамч диплом олгохыг завдаж байгаа асуудлыг БШУЯ-ынхан хянаж байх ёстой. Гэвч тус яамны үе үеийн сайдууд үүнийг огт анхааралдаа авч байгаагүй ирсэн бололтой. Яамны холбогдох мэргэжилтнүүд сургуулийн захирлуудтай үгсэн тохиролцож, хамтран хууль зөрчдөг байсан байх баримт, мэдээллүүд ч байна. Үүнээс болоод 400 гаруй оюутан хохирч, 150 орчим төгсөгч хуурамч дипломтой болчихоод хаашаа, хэнд хандахаа мэдэхгүй сандарч явна.  ҮБХИС-д ямар далдын хүч нөлөөлж, есийн есөн мэргэжлээр элсэлт авчихаад, яамны зөвшөөрөлтэй дипломыг үнэт цаасан дээр хэвлүүлээд өгөх болов. Үүнийг бид нэхэн сурвалжилсныг та https://ergelt.mn/news/70/single/2483 энд дарж унших боломжтой.