Хаан банкны ажилтан бусдын хөрөнгийг завшиж, хууль бусаар мөрийтэй тоглосон хэрэг гарчээ. Тодруулбал, тус банкны теллер Хаан банкны үйлчлүүлэгчдийн 300 сая төгрөгөөр мөрийтэй тоглож, алджээ.

          Энэ талаар ЦЕГ-ын Хэвлэл мэдээллийн төвийн мэргэжилтэнгээс тодруулахад “Цагдаагийн байгууллагад 2023 оны есдүгээр сарын 15-ны өдөр “Баянхонгор аймгийн Эрдэнэцогт сумын банкны ажилтан кассаас их хэмжээний мөнгө ашиглаж цахим мөрийтэй тогтлоом тоглосон байж болзошгүй байна” гэх гомдол, мэдээлэл бүртгэгдсэн. Уг дуудлага, мэдээллийн дагуу Баянхонгор аймгийн цагдаагийн газраас дээрх гомдол мэдээлэлд мөрдөн шалгах ажиллагаа явуулж байна” гэсэн юм.