Баян-Өлгий аймгийн 14 дүгээр цэцэрлэгийн эрхлэгч Д нь эрх мэдэл, албан тушаалын байдлаа урвуулан ашиглаж, өөрийн хамаарал бүхий этгээдийг ажилд авсан гэх үндэслэлээр түүнийг АТГ-аас шалгаж байсан. Тэгвэл түүнд холбогдох хэргийг шүүхэд шилжүүлэх саналтайгаар прокурорт хүргүүлжээ.

       Энэ талаар Баян-Өлгий аймгийн 14 дүгээр цэцэрлэгийн эрхлэгч А.Д-той холбогдож, тодрууллаа. Тэрбээр “Манай цэцэрлэг 25 ажилтантай. Албан байгууллагад нэг хөгжлийн бэрхшээлтэй ажилтан байх ёстой. Ийм учраас би ахынхаа эхнэрийг ажилд авсан нь үнэн. Манай бэр эгч хөгжлийн бэрхшээлтэй. Гэхдээ би ажилд авахынхаа өмнө Өлгий сумын Засаг дарга руу албан бичиг илгээж, зөвшөөрөл авсан байсан. Гэхдээ түр орон тоогоор ажиллуулж байсан” гэлээ.