ЭРГЭЛТИЙН ОНЦЛОХ НИЙТЛЭЛ: ЕРӨНХИЙ САЙД Л.ОЮУН-ЭРДЭНЭ, СОЁЛЫН ДЭД САЙД М.БАТБАЯР НАРЫН ХЭНТИЙ ДЭХ ХОРШИЛ БУЮУ ЗУРАГ ТӨСӨЛ, ТЭЗҮ ТОЙРСОН “ЛУЙВАР”

Б. Цогтбаяр:
Эрэн сурвалжлах- Үйл явдлын мөрөөр

2021-09-19, 4920

Ерөнхий сайд Л.Оюун-Эрдэнийн санаачилгаар Хэнтий аймагт баригдаж буй түүхэн аялал жуулчлалын цогцолборуудын ТЭЗҮ боловсруулах, зураг төсөл гаргах, барилга угсралтын ажлыг гүйцэтгэж буй компаниудын цаана хэн байгаа, ямар луйвар өрнөж буй тухай Эргэлт.мн мэдээллийн сайт цувралаар эрэн сурвалжилж байгаа билээ. Өнгөрсөн удаад бид Хэнтий аймгийн Батноров суманд улсын төсвийн 1,9 тэрбум төгрөгөөр босгосон “Андлалын өргөө” аялал жуулчлалын цогцолборын цаана ямар луйвар өрнөснийг эрэн сурвалжилж хүргэсэн.

Тэгвэл энэ удаад Хэнтий аймгийн Биндэр суманд баригдаж буй “Их хуралдай” цогцолбор, Дадал суманд баригдаж буй “Мянганы суут хүн- Их эзэн Чингис хаан” үндэсний паркийн ажлуудын зөвхөн ЗУРАГ ТӨСӨЛ, ТЭЗҮ гаргах тендерийн цаана ямар луйвар өрнөж буйг эрэн сурвалжиллаа.

“МЯНГАНЫ СУУТ ХҮН-ИХ ЭЗЭН ЧИНГИС ХААН” ТҮҮХЭН АЯЛАЛ ЖУУЛЧЛАЛЫН ҮНДЭСНИЙ ПАРКИЙН ТЭЗҮ БОЛОВСРУУЛАХ 910 САЯ ТӨГРӨГИЙН ӨРТӨГТЭЙ ТЕНДЕР

Хэнтий аймагт баригдаж буй аялал жуулчлалын зургаан цогцолбороос хамгийн том нь Дадал суманд баригдах “Мянганы суут хүн-Их эзэн Чингис хаан” түүхэн аялал жуулчлалын үндэсний парк. Тус төслийг Азийн хөгжлийн банкнаас 50 тэрбум төгрөгөөр санхүүжүүлнэ. Цогцолборын гол барилгын зураг төслийг нь УГЗ Д.Эрдэмбилэг агсан гаргасан. Харин Ерөнхий зураг төсөл, Техник эдийн засгийн үндэслэлийг нь “Хот төлөвлөлтийн хүрээлэн” ХХК боловсруулжээ.

“Мянганы суут хүн-Их эзэн Чингис хаан” түүхэн аялал жуулчлалын үндэсний парк нь 50 тэрбумын өртөгтэй учраас ТЭЗҮ, ерөнхий зураг төслийг боловсруулах тендерийг нь ч өндөр өртөгтэйгөөр буюу 910 сая төгрөгөөр зарласан байна. Харин “Хот төлөвлөлтийн хүрээлэн” ХХК ногоон гэрлээр шалгарч, энэ мөнгийг “халаасалжээ”. Үндсэндээ “нэг тэрбумын зураг төслийн тендер” гэсэн үг.

“СҮЛЖЭЭНИЙ АНТЕН” ГЭЖ ШҮҮМЖЛҮҮЛСЭН “ИХ ХУРАЛДАЙ” ЦОГЦОЛБОРЫН ЗУРАГ ТӨСӨЛ

Ерөнхий сайд Л.Оюун-Эрдэнийн санаачилгаар Хэнтий аймгийн Биндэр суманд “Их хуралдай” цогцолбор баригдаж буй. “Андлалын өргөө” цогцолборын дайтай хэл ам, шүүмжлэл дагуулсан. Монгол гэрийн хэлбэртэй тус цогцолборыг цахим орчинд “Сүлжээний антен” гэж шүүмжилж байсныг санаж буй байх. Тэгвэл тус цогцолборын зураг төслийг мөн л “Хот төлөвлөлтийн хүрээлэн” ХХК боловсруулжээ.

2018 оны наймдугаар сарын 26-нд Ерөнхий сайд Л.Оюун-Эрдэнэ өөрийн биеэр очиж, шав тавих ёслолд нь оролцож байлаа. Хожим нь “Их хуралдай” цогцолборын гадаад хийц, хэлбэр, агуулгыг ёс бусаар шүүмжилсэн хүмүүстэй “хатуу” тэмцэх агуулгатай мэдэгдэл хүртэл хийж байв.

Тэгвэл тэрбумын тендерт шалгарсан, олны шүүмжлэлт өртөх архитекторын шийдэл гаргаад Ерөнхий сайдаар өмгөөлүүлсэн “Хот төлөвлөлтийн хүрээлэн” ХХК нь хэний компани болохыг судалж үзлээ. Тус компани нь улсын бүртгэлд Чойсүрэнгийн Бат-Эрдэнэ гэж хүний нэр дээр бүртгэлтэй байдаг. Одоо Ч.Бат-Эрдэнэ нь тус компанийн гүйцэтгэх захирлаар нь ажилладаг. Харин тус компанийн жинхэнэ эзэн нь Мөнхөөгийн Батбаяр. М.Батбаяр нь одоо компаниа зөвлөх нэрийн дор удирддаг аж.

МӨНХӨӨГИЙН БАТБАЯР ГЭЖ ХЭН БЭ

Хэнтий аймагт хэрэгжиж буй аялал жуулчлалын төслүүдэд шууд оролцож байгаа “Хот төлөвлөлтийн хүрээлэн” ХХК-ийн жинхэнэ эзэн М.Батбаяр бол Соёлын яамны дэд сайд М.Батбаяр.

Тэрбээр, архитектор мэргэжилтэй. Монгол Улсын Зөвлөх архитектор цолтой. 2000-2011 он хүртэл “Идеал групп” ХХК-д архитектороос гүйцэтгэх захирал хүртэл ажилласан. Тус “Идеал групп”ХХК нь дээр дурдсан “Хот төлөвлөлтийн хүрээлэн” ХХК-ийн гүйцэтгэх захирал Ч.Бат-Эрдэнийн нэр дээр бүртгэлтэй бий. М.Батбаярын хувьд 2011 оноос “Хот төлөвлөлтийн хүрээлэн” ХХК-ийн Ерөнхий захирлаар ажилласан эхэлсэн. Гэхдээ компанийнхаа бүртгэлд өөрийн нэрээ оруулаагүй, оруулдаггүй. Учир нь тэр байсгээд төрийн албан тушаалд томилогддог. Тухайлбал, Барилга хот байгуулалтын яаманд нэг жил газрын даргаар, зөвлөхөөр хоёр жил ажилласан. Мөн нэг жил Монгол Улсын Шадар сайдын зөвлөхөөр, дахиад нэг жил Боловсрол, шинжлэх ухааны яамны Чингис хааны өв, соёлын хүрээлэнгийн захирлаар ажилласан. Иймээс “Хот төлөвлөлтийн хүрээлэн” ХХК өөр хүний нэр дээр бүртгэлтэй явдаг аж.

Харин одоо тэр Соёлын яамны дэд сайдын албан тушаалтай. Ерөнхий сайд Л.Оюун-Эрдэнийн санаачилгаар Хэнтий аймагт баригдаж буй аялал жуулчлалын цогцолборуудын явц, гүйцэтгэлийг хянаж, хөрөнгө мөнгийг нь зохицуулж, хариуцах ёстой албан тушаал гэсэн үг.

Харамсалтай нь, хянаж, зохицуулах бүү хэл өөрийнхөө компанийг “Мянганы суут хүн-Их Эзэн Чингис хаан” түүхэн аялал жуулчлалын үндэсний паркийн ТЭЗҮ боловсруулах тэрбумын өртөгтэй тендерт ялуулж, тэгээд ч зогсохгүй, “Их хуралдай” түүхэн аялал жуулчлалын цогцолборын зураг төслийн гүйцэтгэгчээр шалгаруулжээ.

Л.ОЮУН-ЭРДЭНЭ БА М.БАТБАЯР НАРЫН ХЭНТИЙ АЙМАГ ДАХЬ ХОРШИЛ

Соёлын дэд сайд М.Батбаяр Хэнтий аймгийн Баян-Овоо сумын уугуул. Тус сумын Улаанбаатар хот дахь Нутгийн зөвлөлийг удирддаг.

Түүнчлэн Хэнтий аймгийн Нутгийн зөвлөлийн гүйцэтгэх захирлын албан тушаалтай. Харин Ерөнхий сайд Л.Оюун-Эрдэнэ Хэнтий аймгийн Нутгийн зөвлөлийн дарга болох үед М.Батбаяр тус зөвлөлийн гүйцэтгэх захирлаар нь ажиллаж, тэдний холбоо хамаарал илүү зузаарсан. Нэг ёсны хуурай ах дүүс. Улмаар М.Батбаяр Боловсрол, шинжлэх ухааны яамны харьяа Чингис хааны өв, соёлын хүрээлэнгийн захирал болсноор Ерөнхий сайд Л.Оюун-Эрдэнийн санаачилгаар Хэнтий аймагт хэрэгжүүлэх Чингис хааны сэдэвт аялал жуулчлалын төслүүдийг хариуцаж эхэлсэн. Үүнийхээ дараа Соёлын яамны дэд сайд болсноор тухайн төслүүдийг толгой мэдэн хариуцах эрхтэй болжээ.

Өөрөөр хэлбэл, Соёлын яамны дэд сайд М.Батбаяр нь өөрийн "Хот төлөвлөлтийн хүрээлэн" ХХК болон Хэнтий аймгийн нутгийн зөвлөл, дэд сайдын албан тушаалаараа дамжуулан Ерөнхий сайд Л.Оюун-Эрдэнийн санаачилгаар улсын төсвөөр хэрэгжүүлж түүхэн аялал жуулчлалын цогцолборуудаас мөнгө "гувчуулдаг" схем харагдаж байгаа юм. Ерөнхий сайд Л.Оюун-Эрдэнэ Чингис хааны нэрээр, Хэнтий аймгийг аялал жуулчлалаар хөгжүүлэх нэрийдлээр улсын төсвөөс тус бүр 1-2 тэрбумын өртөгтэй таван цогцолбор, 50 тэрбумын өртөгтэй нэг цогцолбор, нийт зургаан цогцолбор байгуулах санаачилга гаргаж, эрх мэдлээрээ дэмжүүлж, мөнгийг нь улсын төсөвт суулгуулмагцаа төсөл хэрэгжүүлэгчээр нь М.Батбаяр мэтийн хамаарал бүхий этгээдүүдийнхээ компаниудыг сонгон шалгаруулсан нь тухайн цогцолборуудаас мөнгө "идэх" гэсэн арга гэж харагдаж байна. Хэрвээ тийм биш байсан бол Хэнтий аймагт хэрэгжиж буй аялал жуулчлалын цогцолборын зураг төсөл, ТЭЗҮ, барилга угсралтын ажилд яагаад Л.Оюун-Эрдэнийн хамаарал бүхий этгээдүүдийн компаниуд шалгарав, тэрбум төгрөгөөр барьсан түүхэн цогцолбор нь яагаад баян айлын зуслангийн хауснаас ч хямд харагдаад байна вэ.

Бид дараагийн дугаартаа Ерөнхий сайд Л.Оюун-Эрдэнийн хуурай ах "Хот төлөвлөлтийн хүрээлэн" ХХК-ийн эзэн, Соёлын дэд сайд М.Батбаяр нарын тендерт ялдаг, олноос нууцалсан компаниудын тухай илүү ноцтой баримтуудыг дэлгэх болно.

ЭРГЭЛТИЙН ОНЦЛОХ НИЙТЛЭЛ: ЕРӨНХИЙ САЙД Л.ОЮУН-ЭРДЭНЭ, СОЁЛЫН ДЭД САЙД М.БАТБАЯР НАРЫН ХЭНТИЙ ДЭХ ХОРШИЛ БУЮУ ЗУРАГ ТӨСӨЛ, ТЭЗҮ ТОЙРСОН “ЛУЙВАР”

АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 20

Сэтгэгдэл үлдээсэн: 2021-09-26 20:40:56

Batbayar mongo ugaagch: Naad evgui namhan zaluu chin ih yum bantagnuulj baigaa shu sain harjil bai
Сэтгэгдэл үлдээсэн: 2021-09-21 12:51:18

Дорж: Д.Эрдэмбилэг нь Майдар бурхан хот гэж хандивын мөнгө босгож ард түмний мөнгийг үрэн таран хийсэн . Батбаяр түүнээс маш их зүйл сурч хандив босгохдоо гарамгай болсон. Гэхдээ шалгаад юм гарахгүй байхаа. Туршлагатай болсон.
Сэтгэгдэл үлдээсэн: 2021-09-21 12:46:44

Дорж: Д. Эрдэмбилэг гээд Андлалын өргөөны автор Женко Тулгын нэг ангийн найз гэж их дэмжлэг авч Батбаятрай нийлж олон уран бүтээлчын хийсэн сайхан зүйлийг доош нь хийж чанаргүй угсаатан зүйн үнэ цэнэгүй, үзэмж загвар муутай ажлуудыг зохион байгуулсан. Чингисийн музей гэж ямарч уран сайхан байхгүй болхи загварыг барьсан. Маш их харамсалиай байна.
Сэтгэгдэл үлдээсэн: 2021-09-21 12:04:20

Дорж: "Хот байгуулалтын хүрээлэн" гэж улсын байгууллага мэт андуурагдам нэрийн доор их ч луйвар хийсэндээ. 21 аймгийн ерөнхий төлөвлөлт гэж хэнд ч хэрэгггүй төсөл зохион байгуулж маш их мөнгө хуссан. Жижиг компаниуд болон хувь хүмүүсд тараан хямд үнээр хийлгэж ихэнх хийсэн хүмүүсд тэр их мөнгө төсөвөөс зүгээр л долоолгосон.
Сэтгэгдэл үлдээсэн: 2021-09-20 19:56:58

тэгнэ ээ тэр: Бүтэлгүй данх
Сэтгэгдэл үлдээсэн: 2021-09-20 19:46:09

Зочин: Энэ далдага Батбаярт их ноо бийдээ. Хулгайч С.Чулуунтай нийлж их хор найруулж бна.
Сэтгэгдэл үлдээсэн: 2021-09-20 00:14:21

Хр: Хэнтиын ТЭНЭГҮҮД.
Сэтгэгдэл үлдээсэн: 2021-09-19 20:20:31

Монгол: Таарсан таар шуудайнууд
Сэтгэгдэл үлдээсэн: 2021-09-17 14:10:16

Иргэн: Буруу тийшээ будаа тээвэл буцахдаа шороо тээнэ буюу булавч бултайж, даравч дардайдаг гэдэгвээ. Амёткид юэлхийн топ сургуулийн зурс төгссөн гээю байсан н хжвгайч, худал мөрөөдөгчидийг төгөсгөсөн бтлж байна уу?. Ххыран сутгуулийн нэр. Ол гтойхон хүн яЭнэ орныг минь хэзээ удирдах бол. Үнэхээр харамсаж, энэ нөхрийн өмнөөс ичих юм. Хэнтийчүүдийн сонгогчид юу бодож суугаа бол.
Сэтгэгдэл үлдээсэн: 2021-09-16 03:52:15

Иргэн: Оюунэрдэнэ чинь бүр архаг хулайч байсан юм байна шдээ..ЕС -ын албаа өгөх хүртлээ овоо юм амжуулаад идчих нөхөр байноо..Зүгээр нэг мангар цүнх баригч үүдний жижүүр шудрага дүрд тоглож байгаад орой дээр гараад ингэж амжуулж байна гээд бодохоор....
Сэтгэгдэл үлдээсэн: 2021-09-14 11:16:17

Зочин: Ер нь дээд хүн суудлаа олохгүй бол доод хүн гүйдлээ олохгүй гэдэг үг байдаг шүү. Дээрээсээ цэвэршиж, шударга байж чадахгүй бол өөрсдөө бусдад шударга бай, сайн ажилла, битгий луйвар булхай, авилга албан тушаалд орооцолдоод бай гэж яриад хэрэггүй шүү дээ. Уг нь манай ерөнхий сайд цэвэр хүн л анх гарч ирсэн. Гэтэл маш богино хугацаанд бохир заваан юманд хутгалдчихлаа л даа. Энэ юуг харуулж байна вэ гэхээр Оюун-Эрдэнэ сайд маань ерөнхий сайдынхаа ажлыг хийж чадахгүй нь ээ гэснийг нотолж байна шүү дээ. Тэгэхээр огцрохоос өөр яах вэ? дээ.
Сэтгэгдэл үлдээсэн: 2021-09-14 11:07:09

Зочин: Ингэж л улсаас мөнгө цохих гэж гарсан нөхөр байна л даа. Оюун-Эрдэнэ их хурлын гишүүн болохын тулд зүтгэсэн хүмүүсээ шагнаж тендэрт шалгаруулсан нь тодорхой байна. Ер нь төрд гараад удаагүй ийм бохир хэл аманд өртөнө гэдэг бол шившиг юм даа. Бушуухан огцруулаад бүх тендэр, төсөл хөтөлбөрүүдийн санхүүжилтыг нарийн шалгах хэрэгтэй. Ялангуяа тендэр шалгаруулалтыг маш нарийн шалгах хэрэгтэй.
Сэтгэгдэл үлдээсэн: 2021-09-14 07:29:39

зочин: Хохь нь ээ хохь нь та бүхэн шудрага маш сайн залуу энэ тэр гээд л амаа олохгүй магтаж сонгоод энд хүргээ биздээ Одоо түүнийхээ шанг хүртэж хэдэн жил толгой руугаа шаацгаа Манай улсын хувь заяа ийм л худалч увайгүй нөхдийн гарт бгаа шүү дээ Дараа дараагийнхаа сонголтыг хүнээ харж сайн хийцгээ Одоо бол яа ч гоншигноод нэмэргүй эднийг яагаад ч буулгаж чадахгүй болсон
Сэтгэгдэл үлдээсэн: 2021-09-14 00:06:47

Зочин: Естой худлаа хүндээ нэгл пээдиисэн их зан болсон бналээ энэ цаг үеиин цүнхчидиин сонгодог дүр
Сэтгэгдэл үлдээсэн: 2021-09-14 00:06:46

Зочин: Естой худлаа хүндээ нэгл пээдиисэн их зан болсон бналээ энэ цаг үеиин цүнхчидиин сонгодог дүр
Сэтгэгдэл үлдээсэн: 2021-09-13 22:50:06

Даам гарчихаж: Хэнтийн хөрөнгө оруулалтын зурагтын тендерийн ихэнхийг өрсөлдөгчгүйгээр авдаг даа.
Сэтгэгдэл үлдээсэн: 2021-09-13 20:04:54

Y: Iim Orkuudaas yu khyseevdee? Saykhnaas shivree ugaaj sursan nokhdyyd bna! Tymnii buyniig khulgailakhaas oor yum medekhgyi malnuud! Bas ded said! Laitai ******** ve?
Сэтгэгдэл үлдээсэн: 2021-09-13 17:18:09

ГАНАА: МАШ ЧАДВАРГҮЙ ЗАЛУУ ЭНЭ ХҮН АНДЛАЛЫН ӨРГӨӨНИЙ ГОЛ ХЭРГИЙН ЭЗЭН ЭНЭ ХҮН БАЙГАА
Сэтгэгдэл үлдээсэн: 2021-09-13 17:10:15

zochin: zevuun luivarchdiig schalgaachee uundaa gololzood dugarch yadaad bgaa um ter ATG
Сэтгэгдэл үлдээсэн: 2021-09-13 17:10:14

zochin: zevuun luivarchdiig schalgaachee uundaa gololzood dugarch yadaad bgaa um ter ATG

Шинэ мэдээ

Нийтлэлчид