АНУ-ын автомашин үйлдвэрлэгч “Тесла” компани 1.5 тэрбум ам.доллараар биткойн худалдан авчээ. Уг худалдан авалтыг өнгөрсөн нэгдүгээр сард хийсэн хэдий ч албан ёсны өчигдөр мэдээллийг нь зарласан аж. “Тесла” компани биткойныг их хэмжээгээр худалдаж авсан мэдээлэл цацагдсаны дараа сүүлийн сард уналтад орсон биткойны ханш 17 хувиар өсөж, 44 мянган ам.долларт хүрчээ.

     Тус компанийн төлөөлөгчийн мэдээлснээр “Тесла” компани  өдөр тутмын үйл ажиллагаандаа хэрэглэдэггүй бэлэн мөнгөө өсгөх зорилгоор биткойн худалдаж авсан аж. “Тесла” компанийн  уг үйлдлийг криптовалютын салбарт эргэлт авчрах нөлөөг үзүүлэхийн зэрэгцээ компанидаа маш их эрсдэл дагуулсныг судлаачид дурдаж байна.