Ханшны үнэ нь сүүлийн зургаан сарын турш 350 гаруй хувиар өссөн биткойны үнэ 50 мянган ам.долларыг давжээ. Сүүлийн нэг сарын хугацаанд үнийн өсөлт нь тогтворжоод байсан ч АНУ-ын автомашины үйлдвэрлэгч “Тесла” компани 1.5 тэрбум ам.доллароор биткойн худалдан авсантай холбоотойгоор тус криптовалютын эрэлт ихсэж, үнэ нь дахин өссөн байна.

       Зургаан сарын өмнө 11 мянга орчим ам.долларын үнэтэй байсан биткойны үнэ ийнхүү 50 ам.долларт хүрснийг эдийн засагчид криптовалютын эрин үе эхэлж байгаатай холбон тайлбарлажээ. Автомашин үйлдвэрлэгч “Тесла” компани нь тогтмол хэрэглээнд нэвтрүүлдэггүй бэлэн мөнгөөрөө өнгөрсөн нэгдүгээр сард биткойн худалдан авсан бөгөөд тодорхой шалтгааны улмаас уг мэдээллийг нууцалсаар өнгөрсөн долоо хоногт цахим сүлжээгээр мэдээлсэн юм.