Ерөнхий сайд Л.Оюун-Эрдэнэ ҮАБЗ-ийн Нарийн бичгийн дарга А.Гансүхийг албан тушаалаас нь түдгүүлэх саналаа илэрхийлсэн албан бичгийг Ерөнхийлөгч, ҮАБЗ-ийн тэргүүн Х.Баттулгад хүргүүлжээ. Ерөнхий сайд Л.Оюун-Эрдэнэ уг албан бичигтээ

“Төрийн зөвлөлдөх байгууллагад дэмжлэг үзүүлэх үндсэн чиг үүрэгтэй төрийн өндөр албан тушаалтны хувьд хэвлэл мэдээллээр гарч байгаа мэдээ, мэдээлэлд холбогдож байгаа нь ёс зүйн хувьд зохисгүй асуудал болж байна. Монгол Улсын Үндэсний аюулгүй байдлын зөвлөлийн нэр хүнд, Үндэсний аюулгүй байдлын зөвлөлийн гишүүдийн хамтын ажиллагаа, харилцан итгэлцлийг хангах зайлшгүй шаардлагын үүднээс Үндэсний аюулгүй байдлын зөвлөлийн нарийн бичгийн дарга нь албан тушаалаасаа түдгэлзэж, шалгуулах нь зүйтэй байна” гэжээ.