Засгийн газрын өнөөдрийн хуралдаанаар хүүхдийн мөнгө олгох журамд өөрчлөлт оруулсан байна.

        Энэ талаар Хөдөлмөр, нийгмийн хамгааллын сайд Х.Булгантуяа "Хүүхдийн мөнгө олгох журамд өөрчлөлт оруулахаар шийдвэрлэлээ. Өнөөдөр улсын хэмжээнд 20 байгууллагын 29 асрамжийн төвд 0-18 насны 924 хүүхэд байдаг. Эдгээр хүүхдийн хувьд 14 болон түүнээс дээш насны хүүхдүүд хүүхдийн мөнгөнийхөө 20 хувийг дугуйлан, секцэд зарцуулах эрхийг нь нээж өгч байна. Асрамжийн төвд байгаа хүүхдүүдэд хуримтлагдсан хүүхдийн мөнгийг эцэг, эхчүүд нь зарцуулах эрхийг бид хааж байгаа. Ингэснээр тухайн хүүхдийн мөнгө 18 нас хүртэл нь хуримтлал байдлаар үүсэх юм" гэв.