ДОПИНГИЙН ХЭРГЭЭР Ц.ХОСБАЯРЫГ ШАЛГАЖ, ХОРИОТОЙ БОДИС ИЛЭРСЭН АЙМГИЙН ЦОЛТОЙ ЕСӨН БӨХИЙН ЭРХИЙГ 3-6 ЖИЛЭЭР ХАСЧЭЭ

2025-09-28, 1432

Хориотой бодис илэрсэн бөхчүүдийн барилдах эрхийг хасаж, хуулийн байгууллагаас шалгаж байгаа. Тэгвэл Үндэсний их баяр наадам болон аймаг, дүүргийн наадамд зодоглож, дөрөв давсан бөхчүүдээс шинжилгээ авахад 14 хүнээс хориотой бодис илэрсэн байдаг. Тодруулбал, улсын гарди Н.Өсөхбаяр, аймгийн арслан Н.Баяржаргал тэргүүтэй бөхчүүдээс хориотой бодис илрээд байгаа юм. Тэгвэл допингийн хэрэгт Хүндийн өргөлтийн шигшээ багийн ахлах дасгалжуулагч Ц.Хосбаярыг шалгаж байгаа мэдээлэл байна. Өөрөөр хэлбэл, аймгийн арслан Н.Баяржаргал Ц.Хосбаярыг илчилж, энэ хэрэг ил болсон байж болзошгүй ажээ. Мөн зарим хэвлэл мэдээллийн хэрэгслээр “Цэргийн арслан Г.Жамбалдорж Ц.Хосбаяраас допингийн бодис авч, хэрэглэсэн тухайгаа хуулийн байгууллагад мэдэгджээ” гэх утга бүхий мэдээлэл гарсан. Энэ талаар дараах мэдээллийг бэлтгэлээ.

ЦЭРГИЙН АРСЛАН Г.ЖАМБАЛДОРЖ: БИ Ц.ХОСБАЯР БАГШИЙГ САЙН ТАНИХГҮЙ

Допингийн асуудлаар цэргийн арслан Г.Жамбалдорж “Худал ташаа мэдээлэлд залруулга өгье. Миний бие хүндийн өргөлтийн багш, дасгалжуулагч Ц.Хосбаяр дээр нэг ч бэлтгэл, сургуулилалт хийж байгаагүй, сайн танихгүй. Үр дүнгийн удирдлагын баг болон хуулийн байгууллагад ямар нэгэн нэг ч багш, дасгалжуулагчтай холбоотой мэдүүлэг өгөөгүй” гэлээ.

АЙМАГ, ДҮҮРГИЙН НААДАМД ЗОДОГЛОСОН ЕСӨН БӨХӨӨС ХОРИОТОЙ БОДИС ИЛЭРЧ, ЭРХИЙГ НЬ ХАСЧЭЭ

Монголын үндэсний допингийн эсрэг байгууллагынхан аймаг, дүүргийн наадамд зодоглосон 108 бөхөөс допингийн шинжилгээ авчээ. Үүнээс арван бөх шинжилгээнд бүдэрч, есөн бөх хариугаа хүлээн зөвшөөрч, барилдах эрхээ 3-6 жилээр хасуулжээ. Бид барилдах эрхээ 3-6 жилээр хасуулсан бөхчүүдийг танилцуулж байна.

АРХАНГАЙ-ДАШИЙН ТӨРБАЯР /ГУРВАН ЖИЛЭЭР ЭРХЭЭ ХАСУУЛСАН/

May be an image of blueprint and text

БАЯНХОНГОР-ЦЭРЭННАДМИДЫН БОЛДБААТАР /ГУРВАН ЖИЛЭЭР ЭРХЭЭ ХАСУУЛСАН/

May be an image of text

ГОВЬСҮМБЭР-ОЮУНЦЭЦЭГИЙН АМГАЛАНБЯМБА /ГУРВАН ЖИЛЭЭР ЭРХЭЭ ХАСУУЛСАН/

May be an image of blueprint and text

ДОРНОД- СҮХБААТАРЫН ЦОГТСҮМБЭР /ЗУРГААН ЖИЛЭЭР ЭРХЭЭ ХАСУУЛСАН/

May be an image of text

ӨМНӨГОВЬ-БОЛДБААТАРЫН СУНДУЙДАМБА- /ДӨРВӨН ЖИЛЭЭР ЭРХЭЭ ХАСУУЛСАН/

May be an image of text

ТӨВ- ЭНХБОЛДЫН ЧОЙНЯМ- ДӨРВӨН ЖИЛЭЭР ЭРХЭЭ ХАСУУЛСАН/

ТӨВ-ЭРДЭНЭБАТЫН ГАНТӨМӨР- ДӨРВӨН ЖИЛЭЭР ЭРХЭЭ ХАСУУЛСАН/

ХӨВСГӨЛ-ЭНХБАТЫН МӨНХТӨР- ЭМЧИЛГЭЭНИЙ ЗОРИЛГООР ЧӨЛӨӨЛӨХ ХОРООНД ХАНДСАН

ХӨВСГӨЛ-БАТ-ЭРДЭНИЙН СҮХ-ЭРДЭНЭ- ЭМЧИЛГЭЭНИЙ ЗОРИЛГООР ЧӨЛӨӨЛӨХ ХОРООНД ХАНДСАН

ДОПИНГИЙН ХЭРГЭЭР Ц.ХОСБАЯРЫГ ШАЛГАЖ, ХОРИОТОЙ БОДИС ИЛЭРСЭН АЙМГИЙН ЦОЛТОЙ ЕСӨН БӨХИЙН ЭРХИЙГ 3-6 ЖИЛЭЭР ХАСЧЭЭ

АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.