Эрүүл мэндийн даатгалын сангийн “хувь заяа” дээсэн дөрөөн дээр дэнжигнэж байна. Данс нь улайж, улс, хувийн эмнэлэгт олгох санхүүжилтээ зогсоох дээр тулсан мэдээлэл цахим сүлжээнд тархаж, олон нийт бужигнаж, бухимдаж эхлээд байгаа.

Эрүүл мэндийн даатгалын сангаас энэ онд хувийн хэвшлийн 178 эмнэлэгт 240 тэрбум төгрөгийн санхүүжилт олгосон байна. Бид Эрүүл мэндийн даатгалын сангаас 2024 онд хамгийн өндөр санхүүжилт авсан 10 хувийн хэвшлийн эмнэлгийг танилцуулахаар бэлтгэлээ.

1. Баянзүрх эмнэлэг

                        -13.9 тэрбум төгрөг

Тус эмнэлэг нь 20 жилийн өмнө хувьчлагдсан. Эцсийн өмчлөг нь нь Бүддоржийн Даш-Яндаг бол гүйцэтгэх захирал нь Өлзийбилэгийн Айгиймаа ажилладаг.  

2. Брилиант эмнэлэг

            -12.6 тэрбум төгрөг

Брилиант эмнэлэг нь 2016 онд дүрс оношилгоо, лаборатори, хөнгөвчлөх тусламж үйлчилгээний чиглэлээр байгуулагдсан. Эцсийн өмчлөгчөөр нь Доржнамжингийн Бархүү, Баасанжавын Ганбат нар бүртгэлтэй байдаг. Ташрамд дурдахад, Эрүүл мэндийн сайд асан С.Энхболдын найз Эрүүл мэндийн яамны Бодлого, төлөвлөлтийн газрын даргаар ажиллаж байсан Батсүхийн Буянтогтох уг эмнэлгийн хувьцаа эзэмшигч, гүйцэтгэх захирлаар нь ажиллаж байсан.

3. ЭМЖЖ ХХК

            -12.3 тэрбум төгрөг

Чих, хамар, хоолойн дагнасан эмнэлэг бол ЭМЖЖ. Тус эмнэлгийн эцсийн өмчлөгч нь Эрдэнэчулууны Жаргалхүү бүртгэлтэй байдаг бол гүйцэтгэх захирлаар нь Махбалын Заяа ажилладаг.

4. “Их шүүдэргэнэ” ХХК-ийн дэргэдэх Медвик  щэмнэлэг

-11 тэрбум төгрөг

Улсын Нэгдүгээр Төв Эмнэлгийн хойд жигүүрт байрладаг. Медвик диализын төв нь 2021 онд байгуулагдсан.

            5. Гранд мед эмнэлэг

                        -7.0 тэрбум төгрөг

-Гранд мед эмнэлэг нь 2009 онд байгуулагдсан. Тус эмнэлэг нь Жигүүр Гранд Группийн бүх талын дэмжлэгтэйгээр нуруу нугасны бичил мэс заслын чиглэлээр улсын хэмжээнд үйл ажиллагаагаа явуулдаг.

            6. Сэргээн засах клиник эмнэлэг

                        -6.1 тэрбум төгрөг

7. Сод топаз эмнэлэг

            -6.5 тэрбум төгрөг

Уг эмнэлэг нь 2007 онд байгуулагдсан. Жамцаагийн Амарсанаа, Отгонборын Ганболд нар бүртгүүлжээ. Дотор, мэдрэлийн тусламжийн чиглэлээр үйл ажиллагаа явуулдаг.

8. Улаанбаатар сонгдо эмнэлэг

-5.0 тэрбум төгрөг

            “Зүрх мартахгүй” төслийн удирдагч, зүрхний мэс заслын эмч Б.Болдсайханы эмнэлэг. Улаанбаатар сонгдо эмнэлэг нь БНСУ-ын Сөүл дахь Сонгдо эмнэлгийн туршлага дээр үндэслэн 2007 онд үүсгэн байгуулагдсан.

9. “Шинэ хужирт” ХХК-ийн Натур мед сэргээн засах төв

-4.9 тэрбум төгрөг

Хот байгуулалтын сайдын зөвлөх Т.Пүрэвхатаны эмнэлэг. Т.Пүрэвхатаны тухайд УИХ-ын ээлжит сонгуульд зүүн бүсэд АН-аас нэр дэвшиж, унасан билээ. Түүний хувьд газрын наймаа, хахуулийн хэрэгт холбогддог.

10. Гурван гал эмнэлэг

                        -4.3 тэрбум төгрөг

“Гурван гал трейд” ХХК-ийн дэргэдэх эмнэлэг. Тус эмнэлгийн ерөнхий захирлаар нь Г.Пүрэвсүрэн ажилладаг.