Н.Отгонбат: “Орчлон” сургуулийн сурагчид “Найрамдал” зуслангийн хоолноос хордоогүй

2024-09-11, 1702

Олон улсын “Найрамдал” зусланд амарч байсан “Орчлон” сургуулийн сурагчид хордлогод орж, ХӨСҮТ-д хүргэгдсэн талаар бид мэдээлсэн. Тодруулбал, “Орчлон” сургуулийн ахлах ангийн 32 сурагч, багш ХӨСҮТ-д хүргэгдэж, эмчилгээ хийлгэж байсан юм.

Уг мэдээллийг “Орчлон” сургуулиас ихэд нууцалж, мэдээлэл өгөхөөс татгалзсаар байгаа билээ. Тэгвэл бид “Найрамдал” цогцолборын ерөнхий захирал Б.Отгонбаттай холбогдож тодрууллаа.

Тэрбээр “ХӨСҮТ-д хэвтэн эмчлүүлж байсан “Орчлон” сургуулийн сурагчид эмнэлгээс гарсан. Хүүхдүүдийн биеийн байдал хэвийн, сургуульдаа явж байгаа. “Найрамдал” зуслангийн хоол, хүнсэнд ямар ч асуудал байхгүй. Үүнийг шалгах газар нь шалгаж байгаа. Хоолны шинжилгээний хариу 14-21 хоногийн дараа гарна. Манайд Зөрчлийн хэрэг нээж шалгана гэсэн. Гэхдээ одоогийн байдлаар Зөрчлийн хэрэг нээсэн зүйл алга. Хүүхдүүд юунаас болж хордсон, асуудал юунаас үүссэн гэдгийг мэдэхгүй байна. Шалгах газар нь тогтоох байх. Манай багш нараас шинжилгээ авсан. Манай зуслан есдүгээр сарын 18 хүртэл хүүхэд авахгүй байгаа. Хуваарийн дагуу хүүхдээ авч эхэлнэ” гэв.

Н.Отгонбат: “Орчлон” сургуулийн сурагчид “Найрамдал” зуслангийн хоолноос хордоогүй

АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 3

Сэтгэгдэл үлдээсэн: 2024-09-11 22:40:26

Иргэн: Орчлон сургууль өөрсдөө их асуудалтай гэж сонссон тэгээд мэдээллээ нуугаад байгаа байх
Сэтгэгдэл үлдээсэн: 2024-09-11 14:42:40

Орчлон: Хоолны хордлого гаргасан цэцэрлэгийн эрхлэгч нярав тогооч нар ажлаасаа халагдаж тэгэхэд олон улсын нэртэй зуслангийн захирал нь ингээд өөрсдийгөө өмөөрөөд сууж байдаг хариуцлага гэж алга
Сэтгэгдэл үлдээсэн: 2024-09-11 14:41:03

1: https://m.arslan.mn/social/capital/658822.shtml.

Шинэ мэдээ

Нийтлэлчид