• Өнөөдөр 2025-05-05

ТАТВАР ТӨЛӨГЧДИЙН ХАЛААСНААС 127 ТЭРБУМ ТӨГРӨГ “СЭГСЭРСЭН” ЧИНГИС ХААН БАНКНЫ ЭЗЭН Д.БАТАА ГЭЖ ХЭН БЭ

2025-01-31,   3737

     Арилжааны хэдэн банкууддаа төр, түмнээрээ тонуулж ханахгүй, тэд ч тонож цадахгүй юм. Худалдаа хөгжлийн банканд Эрдэнэт, Дархан, Хөтөлийн хамаг том үйлдвэрүүдээ тавиад туучих шахсан. Голомт банканд нүүрсээ хямдаар бартердаад, мухар төмөр замтай хоцорсон. Дээрээс нь, Чингис хаан гэж сан сэгсрэхдээ гаршсан бас нэг банк байна. Чингис хаан банк Нийгмийн даатгалын сангийн 96.5 тэрбум, Эрүүл мэндийн даатгалын сангийн 30.9 тэрбум төгрөг буюу нийт 127 тэрбум төгрөгийг хадгалах нэрийдлээр эргэлдүүлэхээр аваад, эргэн төлөхгүй гүрийж гэдийсээр 10-аад жилийн нүүр үзэж байгаа. Өөрөөр бол, 3.5 сая иргэний даатгалын мөнгө ганцхан банкны гуравхан хувьцаа эзэмшигчийн халаас, ходоодонд ийн шингээд алга болчихсон. Атал Эрүүл мэндийн даатгалын сангийн данс саяхнаас улайж, эмнэлгүүдийн коридороор хоногоо хүлээсэн хөгшид нэмэгдсээр байх боллоо. Өчигдөр энэ асуудлаас болж УИХ-ын гишүүд ба Монгол банк, Сангийн яамныхан гэж талцаад зодолдох шахав. Гол асуудал нь, дампуурлаа зарлах аваарын гэрэл нь аль эрт анивчсан Чингис хаан банк руу хэн гэдэг сайд дарга нь татвар төлөгчдийн 127 тэрбум төгрөг шуудайлж аваачаад тушаасныг, яагаад эргүүлж авч чадахгүй байгааг Монгол банк ч, Сангийн яам ч хариулж чадахгүй, эсвэл хүсэхгүй байна. 
 
     Тэгвэл Нийгмийн даатгалын сан болон Эрүүл мэндийн даатгалын сангийн буюу та бидний татварын 127 тэрбум төгрөгийг “сэгсэрсэн” Чингис хаан банкны хамгийн том хувьцаа эзэмшигч, эзэн нь болох Дашцэрэнгийн Батаа гэгч хэн болохыг товч танилцуулж байна. 

ТУУЛЫН БУРГАСААР ТУГ ТАХИЖ, ТАНСАГ ЗЭРЭГЛЭЛИЙН ХОТХОНООР ТҮРИЙВЧЭЭ ТҮНТИЙЛГЭЭД, ТЭР МӨНГӨӨРӨӨ БАНКТАЙ БОЛСОН НАМТАР

      Бизнесийнх нь тухайд, Д.Батаа Завханаас гаралтай, Болгарт сургууль төгссөн. 1998 онд 30 настайдаа “Стандарт групп” ХХК-ийг байгуулж, бизнест орсон. Улмаар Хотын дарга М.Энхболд 2001 онд А/165, 2004 онд А/360 тоот захирамжуудаар ХУД-ийн 17-р хороо, Маршалын гүүрнээс баруун тийших, Туул голын эрэг дагуух 222,000м2 буюу 22.2 га газрыг Д.Батаагийн “Стандарт групп” ХХК-д олгосон. Энэ газар дээрээ нь Д.Батаа “Номин”-гийн эзэн А.Шагдарсүрэнтэй хамтарч, “Номин констракшн” ХХК-аар нь тансаг зэрэглэлийн “River garden” хотхоныг барьж, 2006 онд ашиглалтад оруулж хөл дээрээ боссон. Үргэлжлүүлэн, “Тэнгэр вилла”, “Time square”, “Хан хилсс” хотхонуудыг хаяа залгуулан барьж худалдсанаар толгой баячуудын тоонд орж ирсэн. Ийнхүү Туулын бургасаар туг тахиж, тансаг зэрэглэлийн хотхонуудаар түрийвчээ түнтийлгэсэн Д.Батаа гавьяат эдийн засагч С.Буднямын бэр Ц.Баярсайхан, гавьяат эдийн засагч Б.Шүхэртийн охин Ш.Бүтэд хоёртой хамтран 20 тэрбум төгрөгөөр Чингис хаан банкныг худалдан авч, эзэн суусан товч түүхтэй. 

ТӨРД ЭРХЭЛСЭН БАЗУУД

      Амьдралынх нь тухайд, Д.Батаагийн эхнэр нь “ЭНЭМОГ” ХХК-ийн Ерөнхий захирал Дашнямын Намуун гэж эмэгтэй бий. Өдгөө Д.Батаа эхнэр Д.Намуун болон хүүхдүүдийн хамт Монгол, Герман хооронд ирж, очин амьдардаг. Харин хадам аав нь Лувсандамбын Дашням гэж хүн бий. Л.Дашнямын тухайд, Ардын их хурлын орлогч дарга, НИТХ-ын тэргүүлэгчээр ажиллаж байсан бөгөөд 2001 онд Иргэний зориг намаас Ерөнхийлөгчийн сонгуульд нэр дэвшиж, Н.Багабандид ялагдаж байсан нэгэн. Өдгөө “Монгол уламжлал” академийн тэргүүн, Монгол Улсын Ерөнхийлөгчийн дэргэхэд Хэлний бодлогын үндэсний зөвлөлийн даргаар ажилладаг. Сонирхуулахад, Л.Дашням 2022 онд Ерөнхийлөгчийн зарлигаар Ардын багш цол, гэргий Л.Золзаяа нь 2023 онд Гавьяат эмч цол хүртсэн. 
 
Цаашилбал, Д.Батаагийн эхнэр Д.Намууны төрсөн эгч нь “АНЭЛ” ХХК-ийн Ерөнхий захирал Д.Дөлгөөн гэж эмэгтэй бий. Харин Д.Дөлгөөний нөхөр нь “Сейф” хочит Нямдаваагийн Хүрэлбаатар гэж хүн бий. Д.Батаагийн баз Н.Хүрэлбаатарын тухайд, 2009-2012 онд Эрүүл мэндийн яамны Төрийн нарийн бичгийн дарга, Эрүүл мэндийн сайдаар ажиллаж байсан. Гэвч 2013 онд нууц хүү Н.Энхбатынхаа гэрийн сейфэнд хагас тэрбум төгрөг хадгалж байсан хэргээр хууль хяналтын хаалга татаж, хэсэг хугацаанд хоригдсон. Улмаар 2013-2018 онд хадам аав Л.Дашнямынхаа “Монгол уламжлал” академид зөвлөх сэтэртэй хэл чимээгүй амьдарч байгаад 2018-2020 онд Ерөнхий сайд У.Хүрэлсүхийн ахлах зөвлөхөөр, 2020 оноос АШУҮИС-ийн Ерөнхий захирлаар ажилласан. Ингээд саяны сонгуулиар Сонгинохайрхан дүүрэгт МАН-аас нэр дэвшээд унасан. Гэсэн ч сонгуулийн дараа Ерөнхийлөгч У.Хүрэлсүхийн ахлах зөвлөхөөр томилогдсон. 
 
Харин Д.Батаагийн өөрийнх нь дүү Д.Баяраа нь Татварын ерөнхий газрын Том татвар төлөгчийн газрын Захиргаа, хуулийн хэлтсийн даргаар ажилладаг. 2021 онд Гавьяат эдийн засагч цол хүртсэн. 
 
Үргэлжлэл бий.

ТАТВАР ТӨЛӨГЧДИЙН ХАЛААСНААС 127 ТЭРБУМ ТӨГРӨГ “СЭГСЭРСЭН” ЧИНГИС ХААН БАНКНЫ ЭЗЭН Д.БАТАА ГЭЖ ХЭН БЭ
АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 28
  • Сэтгэгдэл үлдээсэн: 2025-02-05 23:56:47
    Зочин : Хужаа Нямдаваагийн Хүрэлбаатар гэгч энд тэнд хүүхэд чихэж өөрийгөө үржүүлдэг нөхөр, ... яагаад тэрийг хужаа цустангууд хүрээлээд л байх юм.
  • Сэтгэгдэл үлдээсэн: 2025-02-01 12:42:00
    ЯАНА ДАА: ХҮРЭЛСҮХИЙГ бүтэхгүй хүмүүс л хүрээлэх юм. ЭМД, НД ын мөнгийг өгөөч.
  • Сэтгэгдэл үлдээсэн: 2025-02-01 09:51:02
    НД, ЭМДаатгалын мөнгийг өгөөч: ЮУНЫ өмнө НД, ЭМД ын мөнгийг өгөөч. ЭНЭ нөхрийг шууд хориод мөнгөө авах арга хэмжээ зохион байгуулах хэрэгтэй.
  • Сэтгэгдэл үлдээсэн: 2025-02-01 09:13:24
    Зочин: SADARTLA SHAALTSN80955877MASSAJLI
  • Сэтгэгдэл үлдээсэн: 2025-01-31 20:38:56
    Авилгагч: Батаагийн хүү Чагнаадорж нь Дарханы төмөрлөгийн үйлдвэр ТӨ компани гүйцэтгэх захирал болж хулгай хийх гэж бгаа даа. Өмнө ТӨ компанид ямар ч шалгуургүй захирал болдог. Энэ аалзы сүлжээнийхэн удахүй төр төмөр нүүрэй харуулнаа. Хүлээж бай хулгайч нараа
  • Сэтгэгдэл үлдээсэн: 2025-01-31 13:43:53
    Шударга иргэн: Ийм юмнуудыг үр үндэс, өвөг дээдсээр нь ил гаргаж ард түмэн мэдэж ичмээр болтол нь бичих хэрэгтэй. Бузар булай юмны араар, хумсаа нуусан муур шиг сууж байдаг шуналтангуудыг олонд ил гартал нь таниуулах хэрэгтэй. Чингэс хаан банк гэж яриад л байх боловч яаж ч чадахгүй сууж байдаг төр засаг ичиг ичиг.
  • Сэтгэгдэл үлдээсэн: 2025-01-31 11:48:06
    Зочин: Монгол улс монгол орон минь хулгайч луйварчин авилгачин гэмт хэрэгтнүүдийн боол болоод 33 жил болж байна. Хүмүүсийн сэтгэл ухамсар ёс суртахуун ялзарч өмхийрч дампуурч байна. Эх сайхан орон минь хүмүүний нийгмийн хувьд сөнөж устах зам руугаа орлоо. Ум мааны бадма хум.
  • Сэтгэгдэл үлдээсэн: 2025-01-31 11:40:13
    Зочин: Монгол улс монгол орон минь хулгайч луйварчин авилгачин гэмт хэрэгтнүүдийн боол болоод 33 жил болж байна. Хүмүүсийн сэтгэл ухамсар ёс суртахуун ялзарч өмхийрч дампуурч байна. Эх сайхан орон минь хүмүүний нийгмийн хувьд сөнөж устах зам руугаа орлоо. Ум мааны бадма хум.
  • Сэтгэгдэл үлдээсэн: 2025-01-31 11:34:20
    Зочин: SADAR SEKSEER VANXANDI UILCHLI ANUSDI80955877
  • Сэтгэгдэл үлдээсэн: 2025-01-31 08:39:50
    Zochin: Ene hulgaichaasaa munguu olj awahgui um uu
  • Сэтгэгдэл үлдээсэн: 2024-09-01 21:05:13
    Т: Луйвардаж мөнгөтэй болсон хүмүүсийг баян гэж хэлэхгүй. Баян гэдэг хүн чинь хөдөлмөр зүтгэл, оюун ухаанаараа эсвэл удам дамжиж ирсэн мөнгө, хөрөнгөтэй, буянтай хүнийг л БАЯН гэж тодорхойлно.
  • Сэтгэгдэл үлдээсэн: 2024-09-01 13:24:03
    зочин: Баян залуус шилдэг бизнестэн гээд л онгирцгоогоод байна. Яг үнэндээ луйвар, шударга бус ичгүүр сонжуургүй байдал нь л баяжихад хэрэг болсон. Монголд шударга бизнесээр баяжсан хүн мааш ховор. Заавал танил та, хахууль, тендерээр л бизнес нь явдаг даа. Улс хөгжихгүйн нэг шалтгаан энэ.
  • Сэтгэгдэл үлдээсэн: 2024-09-01 02:45:01
    зочин: Банканд мөнгө хадгалуулсан бол хувь авсан байж таарна тэгээд эзэн нь олдохгүй олдохгүй ч гэж нууж байхгүй юу монгол банк сангийн яамны томчууд л байгаа шд.
  • Сэтгэгдэл үлдээсэн: 2024-08-31 07:59:54
    Del : Монголд хөдөлмөрч хүн баян болдоггүй луйварчин хулгайч хүн баян болдог гэдгийг мэддэггүй юмуу
  • Сэтгэгдэл үлдээсэн: 2024-08-31 01:00:47
    З: Энэ өлөн нам дагасан бөгс дарга долооогч пялдгууд монголын хөгжил иргэдиин боломжиииг сорогч бузарын шимэгч хорхоонууд юмдаа хужаад цаазалдаг нь зөвч юм шиг
  • Сэтгэгдэл үлдээсэн: 2024-08-30 22:56:20
    Иргэн: Ороо нь ороогооро жороо нь жороогооро гэж яг үнэн шүү!!! Энэнд бичигдсэн хүмүүс бүгд үл бүтэх хар мөртэй таньдаг хүмүүс маань бн!!! Муу хүмүүс нэг нэгнээ төвөггүй олдог тавилантай!!!
  • Сэтгэгдэл үлдээсэн: 2024-08-30 21:50:37
    И: Иргэдийн даатгалын 2 санг тоночихоод 10 жил өгөхгүй , төр засаг авахгүй явж байна гэдгийг ойлгох арга алга. Монголд төр байна уу ??
  • Сэтгэгдэл үлдээсэн: 2024-08-30 20:18:57
    Я: Дандаа үл бүтэх гарууд
  • Сэтгэгдэл үлдээсэн: 2024-08-30 17:32:57
    Цог: Л.ДАШНЯМ ГЭЖ ГЯЛГАР ТӨМӨР, МӨНГӨ ХӨРӨНГӨД ХАНАЖ ЦАДДАГГҮЙ НЭГ ЗАЛЬТАН БАЙНА. ЭНЭ ӨВГӨН УЛС ОРОНД ЧУХАМ ЮУ ХИЙСЭН, ЯМАР ГАВЬЯА БАЙГУУЛСАН ЮМ БЭ. ӨӨРИЙН БАЙГУУЛСАН СУРГУУЛИА АЖИЛЛУУЛЖ ЧАДАЛГҮЙ ДАМПУУРУУЛСНААС ӨӨР ХИЙСЭН ӨӨДТЭЙ ЮМ БАЙХГҮЙ. ЭХНЭРЭЭ БАС ГАВЬЯАТ БОЛГОЧИХОЖ. ЛУЙВАРЧДЫН СҮЛЖЭЭ ҮҮСГЭЖ ЕРӨНХИЙЛӨГЧ БҮРИЙГ ДОЛООЖ ДОЛИГНОЖ ЯВДАГ ШУНАЛТАН, ОЛОН НҮҮРТ
  • Сэтгэгдэл үлдээсэн: 2024-08-30 16:36:16
    төр мөнгөө энэ луйварчдаас авахгүй юм уу?: ТӨР яагаад хөрөнгөө энэ луйварчдаас авахгүй байгаа юм вэ? Олон хотхон барьсан баячуудад хөрөнгө байгаа. ХЭН гэгч энэ луйварчдыг хамгаалаад байгаа юм вэ?
  • Сэтгэгдэл үлдээсэн: 2024-08-30 15:35:45
    Ахмад настан: ...ерөнхийлөгч..хулгайчууд.....ер бусын ...ажилгүй болсон ..есөн шидийн хүмүүсийг ЗӨВЛӨХӨӨРӨӨ СОНГОН ХАЖУУДАА ХАЦАРАА НИИЛҮҮЛЭЭД ШИВНЭЖ ЯРИАД Л ...ЗӨВЛАЛГӨӨ АВДАГ ..ӨГДӨГ ...ЮМ БАЙНА......АРХАГ БУЗГАЙ ГАРШСАН.....АСУУДАЛТАЙ ЗӨВЛӨХҮҮД... .
  • Сэтгэгдэл үлдээсэн: 2024-08-30 12:45:35
    У.Хүүкийг АТГ- д яаралтай өгье: Хүрэлсүх яагаад сейф Хүрэлбаатараас салж чаддаггүйн учиг тайлагдлаа.
  • Сэтгэгдэл үлдээсэн: 2024-08-30 11:09:37
    Увс хүн: Завханых бус Увс гаралтай хүн, Завханд аав нь дарга байсан
  • Сэтгэгдэл үлдээсэн: 2024-08-30 10:44:45
    Зочин: Бурханмминь үнэн бгаа даа
  • Сэтгэгдэл үлдээсэн: 2024-08-30 10:38:00
    Жаргал: Дарханы төмөрлөгийн үйлдвэрийн захирал болдог залуу энэ нөхдүүдийн ялангуяа Батаагын гар хөл.бөөн сүлжээ нам харгалзахгүй жонхуурдаг
  • Сэтгэгдэл үлдээсэн: 2024-08-30 09:42:11
    ббб: Батаа гэдэг нөхөртэй нэг удаа уулзаж л байлаа. Миний ард нөлөө бүхий хүн бий гэж ирээд дарамжталж байсан
  • Сэтгэгдэл үлдээсэн: 2024-08-30 09:30:37
    Z: Батаа хэзээний луйварчин лдаа
  • Сэтгэгдэл үлдээсэн: 2024-08-30 09:30:36
    Z: Батаа хэзээний луйварчин лдаа
Шинэ мэдээ
Нийтлэлчид
Монгол Улс, Улаанбаатар хот, Сүхбаатар дүүрэг, VIII хороо, "Ардын эрх"-ийн байр, Гуравдугаар давхарт Эргэлт.мн редакц
7509-1188
[email protected]
2025 © Зохиогчийн эрх хуулиар хамгаалагдсан. Мэдээлэл хуулбарлах хориотой.