Сонгинохайрхан дүүргийн зургадугаар хорооны нутаг дэвсгэрт 25-55 насны 10 иргэн угаартаж, нас барсан харамсалтай хэрэг өнгөрсөн шөнө гарсан. Тус хэргийн талаар Сонгинохайрхан дүүргийн зургадугаар хорооны Засаг дарга С.Очироос тодрууллаа. Тэрбээр “Манай хороонд ганцаараа амьдардаг байсан иргэн хэдэн хүмүүстэй нийлж, архи уугаад салахгүй байсан юм. Харамсалтай нь тэд өнгөрсөн шөнө хамт байж байгаад угаартаж, амиа алдчихлаа. Хэргийн газар холбогдох байгууллага алба хаагчид ажиллаж байгаа. Цогцсуудыг шүүх шинжилгээний үндэсний хүрээлэнгийнхэн авч явсан” гэв.