• Өнөөдөр 2026-01-08

Х.НЯМБААТАР “ХОТЫН ФРАКЦ”-ЫНХНЫГ НАМ ДАРАХ ГЭЖ “УРТ ЦАГААН”-ЫГ ОНИЛСОН УУ

2025-04-08,   30313

      Х.Нямбаатар Миеэ.Энхболдын, түүний тэргүүлдэг “Хотын фракц”-ынхны "эрлэг" нь мэт аашилж буй. Анх тэр дөрвөн жилийн өмнө дүн өвлөөр үстэй дээл, үнэгэн малгайтай төв талбайд жагсаж байж М.Энхболдыг улс төрийн тайзнаас унагаалаа. Түүнээс хойш ч М.Энхболдыг тавихгүй “зууж” явсаар өнгөрсөн хавраас түүний “Хотын фракц”-ынхныг нэг мөр нам дарж авах ажиллагааг ахин эхлүүлсэн. Эхлээд М.Энхболдын баруун гар Хотын менежер асан Т.Бадамжунайг Филиппинээс гавлаж авчраад АТГ-т тушаасан. Араас нь М.Энхболдын зүүн гар Ерөнхий архитектор асан М.Цэлмэгийн гэрт нэгжлэг хийлгэсэн. Саяхан М.Энхболдын “Хотын фракц”-ын төлөөллүүд болох Т.Билэгт, Г.Мөнхбаяр, Ц.Батбаяр, Су.Батболд нарын авлигаар зурсан газрын гэрчилгээ, барилгын зөвшөөрлийн гэрээнүүдийг эх хувиар нь АТГ-т аваачиж өгсөн. Ар араасаа АТГ-т дуудагдаж эхэлнэ гэсэн үг. 
 
       Тэгвэл Х.Нямбаатар саяхнаас “Урт цагаан”-ыг нурааж, Улаанбаатарт урьд нь байгаагүй цэцэрлэгт хүрээлэн байгуулна гэж ярих болсон. Судлаад үзвэл, Х.Нямбаатар “Урт цагаан”-ыг онилсон нь цаанаа улс төрийн зорилготой буюу өнөөх “Хотын фракц”-ыг нам дарах ажиллагааных нь үргэлжлэл байж болзошгүй аж. Тодруулбал, “Урт цагаан” уг нь нийслэлийн өмч боловч 1998 оноос хойш М.Энхболд, Т.Бадамжунай нарын хамаарал бүхий хэдхэн хүн үндсэн түрээслэгч нэрээр эзэн суучихсан юм байна. Өдгөө “Урт цагаан” үндсэн 30 түрээслэгчтэй. Харин үндсэн 30 түрээслэгч нь цаашаа 450 орчим иргэн болон аж ахуйн нэгжид дам түрээсэлж, дундаас нь цэвэр ашиг хүртээд сууж байдаг. Тиймээс Х.Нямбаатар “Урт цагаан”-аар шалтаглан М.Энхболдын “Хотын фракц” руу ээлжит цохилтоо өгч байж болох дүр зураг харагдаж байна. 
 
Түрээслэгч 1: “Эм Би тэмүүлэл” ХХК
 
“Эм Би тэмүүлэл” ХХК-ийг Хотын дарга асан Г.Мөнхбаярын төрсөн эгч Г.Сонинцэцэг эзэмшдэг. Г.Сонинцэцэгийн “Эм Би тэмүүлэл” ХХК нь Урт цагааны VIII корпусын хоёрдугаар давхарын үндсэн түрээслэгч болсон. Хамгийн ноцтой нь, Г.Сонинцэцэг “Эм Би тэмүүлэл” ХХК-аараа Урт цагаанд “Пхеньян” нэртэй Солонгос хоолны ресторанд ажиллуулж байсан. Гэвч “Пхеньян” ресторан нь нохойн махаар хоол хийж, иргэдэд үхрийн мах гэж үйлчилдэг байсан нь 2014 оны зургадугаар сард Чингэлтэй дүүргийн Мэргэжлийн хяналтын хэлтсийн байцаагч нарын шалгалтаар ил болсон. Тухайн үед мэргэжлийн хяналтын байцаагч нар “Пхеньян” рестораны гал тогооноос 7.2 кг нохойн мах хураан авч, 960 мянган төгрөгөөр торгоод өнгөрөөсөн байдаг. Харин өдгөө Г.Сонинцэцэг Урт цагааны VIII корпусын хоёрдугаар давхарын талбайгаа алт мөнгөний дархан, гутал засварчдад дам түрээслүүлж ашиг олж буй. 
Тайлбар: "Эм Би тэмүүлэл" ХХК-ийн эзэн Г.Сонинцэцэг
Түрээслэгч 2: “Эдванс” ХХК 
 
      “Эдванс” ХХК-ийг Нямхүүгийн Цэцэгмаа эзэмшдэг. Н.Цэцэгмаа нь Хотын дарга асан Ж.Наранцацралт агсны төрсөн дүү Ж.Батбилэгийн эхнэр. Түүх сөхвөл, Ж.Наранцацралт Хотын дарга байхдаа буюу 1998 онд Урт цагааныг иргэд, аж ахуйн нэгжүүдэд гэрээгээр түрээслүүлэх ажлыг эхлүүлсэн. Харин өдгөө бэр дүү Н.Цэцэгмаагийнх нь “Эдванс” ХХК нь Урт цагааны хамгийн том үндсэн түрээслэгч болочихоод буй. 
Тайлбар: "Эдванс" ХХК-ийн эзэн Н.Цэцэгмаа
 
Түрээслэгч 3: “С сайн” ХХК
 
     “С сайн” ХХК-ийг Довчингийн Батзориг эзэмшдэг. МАН-ын гишүүн, 2008-2012, 2012-2016 онд СБД-ээс НИТХ-ын төлөөлөгчөөр сонгогдон ажиллаж байсан. Урт цагаанд “S.mens collection shop” гэх нэртэй эрэгтэй хувцасны дэлгүүр нээж, анх үндсэн түрээслэгч болсон. Д.Батзориг НИТХ-ын төлөөлөгч байхдаа ингэж Урт цагаанд эзэн сууснаас гадна Хотын дарга Г.Мөнхбаяраас Сэлбэ голын голдирол дотор газар авч, “S.Outlets” их дэлгүүрийг барьсан. Түүний “S.Outlets” их дэлгүүрээс болж өнгөрсөн зуны үерээр Сэлбэ гол эргээ хальж, Улаанбаатар хот үерийн гамшигт нэрвэгдсэнийг санаж буй байх. Улмаар өмнөх Хотын дарга Д.Сумъяабазар “S.Outlets” их дэлгүүрийг нураах шийдвэр гаргасан. 
Тайлбар: "Ссайн" ХХК-ийн эзэн Д.Батзориг, түүний эхнэр, "Ссайн" ХХК-ийн гүйцэтгэх захирал Ц.Бямбабаяр
Түрээслэгч 4: “Идеал групп” ХХК
 
      “Идеал групп” ХХК-ийг Долгорын Мижидсүрэн эзэмшдэг. Д.Мижидсүрэн нь М.Энхболдыг Хотын дарга байх үед түүний шууд удирдлага доор буюу Нийслэлийн Засаг даргын дэргэдэх Хот төлөвлөлт, эрдэм шинжилгээ, зураг төслийн хүрээлэнгийн захирлаар ажиллаж байсан. Энэ хамаарлаа ашиглан “Идеал групп” ХХК-аараа Урт цагааны үндсэн түрээслэгч болсон. Цаашилбал, Д.Мижидсүрэн нь М.Энхболдыг Хотын дарга байх үед Улаанбаатар хотын Ерөнхий архитектор байсан М.Цэлмэгтэй “Голден трийпл” ХХК-ийг хамтран эзэмшдэг. Өнгөрсөн есдүгээр сард АТГ-аас Т.Бадамжунайгийн мэдүүлгээр М.Цэлмэгийн гэрт нэгжлэг хийж, шалгаж эхэлсэн. Бас нэг ноцтой баримт байгаа нь, одоогийн Соёлын дэд сайд М.Батбаяр 2000-2009 онд есөн жилийн хугацаанд Д.Мижидсүрэнгийн “Идеал групп” ХХК-ийн Гүйцэтгэх захирлаар ажиллаж байсан. 
Тайлбар: "Идеал групп" ХХК-ийн эзэн Д.Мижидсүрэн
 
Түрээслэгч 6: “Анома” ХХК
 
    “Анома” ХХК-ийг Түдэвдагвын Батсүх, Батсүхийн Алдар, Түдэвдагвын Ганбат нар эзэмшдэг. “Анома” ХХК нь Урт цагааны II, III корпусын үндсэн түрээслэгч бөгөөд цааш нь дам түрээслэж ашиг хүртдэг. “Анома” ХХК-ийн эзэн Т.Батсүх Т.Бадамжунайг төлөөлж Урт цагааны үндсэн түрээслэгч болсон гэх мэдээлэл бий. Т.Бадамжунай, Т.Батсүх хоёрыг холбодог олон сэжүүр байдгийн нэг нь “Анома” ХХК-ийн Зайсангийн аманд барьсан тансаг зэрэглэлийн “Анома” хотхон. Тодруулбал, Т.Батсүх 2004 онд тухайн үеийн Байгаль орчин, аялал жуулчлалын сайд У.Барсболдын тушаалаар “Анома” ХХК-ийнхаа нэр дээр ХУД-ийн 11-р хороо Зайсангийн аманд 49,476м2 буюу 4.9 га газар авч, “Анома” нэртэй хотхон барьж худалдсан. “Анома” ХХК-д 4.9 га газар олгуулсан хүн нь Т.Бадамжунай гэдэг. Учир нь У.Барсболд М.Энхболд хоёр хамт тоглож өссөн, дунд ангидаа хамт сурч байсан найзууд. Тиймдээ ч Т.Бадамжунай М.Энхболдоор дамжуулж У.Барсболдоос “Анома” ХХК-д 4.9 га газар олгуулсан гэлцдэг. Мөн сонирхуулахад, 2013 онд “Анома” ХХК-ийн түрээслэдэг Урт цагааны II дугаар корпуст Т.Бадамжунай казино ажиллуулдаг гэх мэдээлэл цацагдаж, тухайн үедээ дуулиан тарьж байв. 
 
Түрээслэгч 7: Батбаярын Жаргалан
 
    Урт цагааны үндсэн түрээслэгч дөрвөн иргэн байдгийн нэг нь Батбаярын Жаргалан. Тэрбээр УИХ-ын гишүүн, Эдийн засгийн хөгжлийн сайдаар ажиллаж асан “Фортуна” хочит Н.Батбаярын том охин. Б.Жаргалан 2011 онд Урт цагааны түрээслэгч нартайгаа хамтарч “Урт цагаан хөгжлийн холбоо” ТББ-ын байгуулан, УЗ-ийн гишүүнээр нь ажиллаж байлаа. Харин өдгөө Б.Жаргалан АН-ын дэргэдэх Ардчилсан эмэгтэйчүүдийн холбооны Ерөнхийлөгчөөр сонгогдоод буй. Т.Бадамжунай, Н.Батбаяр хоёр нам нь өөр боловч Архангай гэх нэг нутагтай.
 
Гэх мэтээр Урт цагааны үндсэн түрээслэгч нарыг хөөвөл М.Энхболд, Т.Бадамжунай болон түүний гар хөлүүд рүү хөтөлж очиж байна. Товчхондоо, Х.Нямбаатар “Хотын фракц”-ынхны бас нэг “үүр” нь “Урт цагаан” гэж үзсэн учраас ийнхүү нураах ажиллагааг эхлүүлсэн байж болзошгүй харагдаж байна. 
 

Х.НЯМБААТАР “ХОТЫН ФРАКЦ”-ЫНХНЫГ НАМ ДАРАХ ГЭЖ “УРТ ЦАГААН”-ЫГ ОНИЛСОН УУ
АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 21
  • Сэтгэгдэл үлдээсэн: 2025-04-09 02:55:17
    ард: Цаазын ялын цаг болсоон сэргээх
  • Сэтгэгдэл үлдээсэн: 2025-04-08 22:53:52
    Иргэн: Цэцэрлэгт хурээлэн байгуулахыг л харьяа!!! Угуй бол худалчыг огцруулах хэрэгтэй!!!!!
  • Сэтгэгдэл үлдээсэн: 2025-04-08 14:07:46
    мм: юун цэцэрлэгт хүрээлэн барих одоо хүер талд нь барилга бариад эхэлсэн шүү дээ. өмнөх талбай нь энэ 2 барилгын үүд болж 5 мод л таригдах байх даа.
  • Сэтгэгдэл үлдээсэн: 2025-04-08 12:12:55
    Улаанбаатар: Энэ ер нь асуудлыг их гүнзгий, углуургаар нь авч үздэг сүрхий хүү шиг бнаа Удам сайтай хүний үр хүүхэд юм болуу даа. Барьж авсан асуудал, хэлсэн ярьсан зүйлээ ер нь л гүйцэд хийчих гээд бгаа хүн шүү. Амжилт хүсье ! Женко бол Орос,Хятадад ашигтай юм хийдэг, энэ болохоор Моголд хнрэгтэй юм хийгээд байх юм даа !
  • Сэтгэгдэл үлдээсэн: 2025-04-08 10:47:55
    S: SEKSEER VANXANDI80955877BOOBN XXNO
  • Сэтгэгдэл үлдээсэн: 2023-11-19 22:45:30
    Доючин: Энэ ч дээрээс бичиж өгсөн нийтлэл байх
  • Сэтгэгдэл үлдээсэн: 2023-11-19 17:11:33
    Урт цагаан: Олон юм донгосолгүй амьтан хүн дарчихаагүй дээр нь буулгаж зогсоол, цэцэрлэг болгоо
  • Сэтгэгдэл үлдээсэн: 2023-11-19 09:55:01
    ард: Цэцэрлэгт хүрээлэн байгуулах нь зөв дэмжиж бна
  • Сэтгэгдэл үлдээсэн: 2023-11-17 08:27:38
    би: түрээслэгчийн авч бсан түрээсийн төлбөрийг нийслэлд хураан авах , давуу эрхээр нийслэл төрийн өмчийг өмчилж ашиг олдог, ард түмний боломжийг хулгайлдаг авилгач н төрийн өлбан хаагчдыг илрүүлээд хариуцлага тооцох, цэцэрлэгт хүрээлэн, болгохыг дэмжиж саналаа өгсөн
  • Сэтгэгдэл үлдээсэн: 2023-11-17 08:05:34
    Зочин: Ажил хийхэд яах гэж улс төржөөд байгаа юм Цэцэрлэгт хүрээлэн байгуулах зөв
  • Сэтгэгдэл үлдээсэн: 2023-11-16 17:29:23
    Зочин: Цэцэрлэг байгуулбал болно.
  • Сэтгэгдэл үлдээсэн: 2023-11-16 17:29:21
    Зочин: Цэцэрлэг байгуулбал болно.
  • Сэтгэгдэл үлдээсэн: 2023-11-16 17:29:18
    Зочин: Цэцэрлэг байгуулбал болно.
  • Сэтгэгдэл үлдээсэн: 2023-11-16 17:29:16
    Зочин: Цэцэрлэг байгуулбал болно.
  • Сэтгэгдэл үлдээсэн: 2023-11-16 17:29:15
    Зочин: Цэцэрлэг байгуулбал болно.
  • Сэтгэгдэл үлдээсэн: 2023-11-16 08:20:10
    Уншигч: Энэ барилга үеэ өнгөрөөсөн хотын үзэмжийг дарсан мөн ийм луйварчид цугласан, эрт үедээ хятадууд байдаг бузартай гэдэг утгаар нэг мөсөн цэвэрлэгээ хийж шинэчлэх нь зөв байх. Цаг үетэйгээ нийцэж байх. Нөгөө талаас энэ луйварын үйл ажиллагааг Алтан загасны үлгэрийн эмгэн шиг тэвшин дээр нь авчирч шинэ гараанаас бизнесээ эхлүүлэхэд нь туслах. Энэ мэт хотод өнгөрсөн 30 жилийн хугацаанд буруу замаар бий болсон үүр уурхайнуудыг онгичиж иргэдийг зөв мэдээллээр хангаж иргэдийн саналыг авч шийдвэрлүүлж байвал хойшид сургамж болж хот эргүүлэх болов уу. Харин нь буруу мэдээлэл өгч асуудлыг шийдсэн бол энэ хүмүүстэй эргэж хариуцлага тооцдог тогтолцоог бий болгох
  • Сэтгэгдэл үлдээсэн: 2023-11-15 16:27:21
    zochin: yadmag medee bnaa ih naydiin hulgainuudiin hajuud
  • Сэтгэгдэл үлдээсэн: 2023-11-14 14:41:16
    Зочин : Бузар хогнууд
  • Сэтгэгдэл үлдээсэн: 2023-11-14 12:51:44
    Зочин: Нямкаа хотын пракцийг дарна гэдэг өөрийгөө дарна гэсэн үг шүү. Нямка даргаа агаарт хөвж, алсын зайнаас шоудахаа зогсоож, дараах ажлуудыг хийвэл бодит ажил болохоос гадна, хотын төв түгжрэлгүй болж, та ч хотын төвийг ард түмнээс харамлаж, мөнгө нэхэхгүй байж болно. .Нэгд, Ард кино театрыг луйвардаж авсан Сосорбарамаас авч оронд нь спорт заал барих, Хоёрт, хуучин Соёлын яамны барилгыг луйвардаж авсан Баттулгаас авч, байргүйн зовлон ярьж явдаг Соёлын сайд Номинд өгөх, Гуравт, хуучин шүдний эмнэлгийн суурин дээр баригдаж буй олон давхар барилгын ажлыг зогсоож, буулгаж, ногоон байгууламж болгох, Дөрөвт, хуучин худалдаа хөгжлийн банкны барилгын ажлыг зогсоож, газрыг хурааж, ногоон байгууламж болгох, Тавд, хотын захиргаагаа нүүлгэж, яармагт төсвийн олон тэрбум төгрөгөөр барьсан шинэ барилгадаа орчихвол дулааны мөнгө төлөхгүй, зардал хэмнэнэ.
  • Сэтгэгдэл үлдээсэн: 2023-11-14 09:35:31
    энэ бактер: тэгээд хурааж аваад дэлгэрсайханд өгөх үү, төмөр зам концессоор өгсөн шигээ
  • Сэтгэгдэл үлдээсэн: 2023-11-14 08:52:34
    Зочин: Ингээд л далд ашиг хүртээд баяжаад байдаг юмсанжээ.тэгээд бас хотын иргэдийн хөрөнгөөрөө засуулаад дахиад эзэн суух санаатай..энэ 20 жилийн түрээсийг нөхөн төлүүлж хотыг хохиролгүй болгох.энэ хавийн оршин суугчдад цэцэрлэгт хүрээлэн босгож газрыг хотод аваарай
Шинэ мэдээ
Нийтлэлчид
Монгол Улс, Улаанбаатар хот, Сүхбаатар дүүрэг, VIII хороо, "Ардын эрх"-ийн байр, Гуравдугаар давхарт Эргэлт.мн редакц
7509-1188
[email protected]
2026 © Зохиогчийн эрх хуулиар хамгаалагдсан. Мэдээлэл хуулбарлах хориотой.