Налайх дүүрэгт гааз дэлбэрч, 56 настай эрэгтэй амиа алдсан харамсалтай хэрэг гарчээ. Тодруулбал, есдүгээр сарын 25-ны 17:35 цагт цагдаагийн байгууллагын утсанд “Төмрийн үйлдвэрт гааз дэлбэрч, хүн нас барсан байна” гэсэн дуудлага иржээ. Дуудлагын дагуу шалгалтын ажиллагаа явуулахад төмрийн үйлдвэрт ажиллаж байсан 56 настай эрэгтэй амиа алдсан байжээ. Мөн шалгалтын явцад талийгаачийг төмөр тасдаж байх үед гаазын баллоноос хий алдаж, дэлбэрсэн нь тогтоогджээ. Уг хэргийг Налайх дүүргийн цагдаагийн хэлтэст шалгаж байна.