• Өнөөдөр 2021-09-17

Машиндаа нас барсан нүүрс тээврийн жолоочийг задлан шинжилгээнд оруулжээ

2021-09-15,   1330

          Нүүрс тээврийн  жолооч машиндаа нас барсан хэрэг гарчээ. Тодруулбал, өчигдөр буюу есдүгээр сарын 14-ний 13:00-14:00 цагийн үед цагдаагийн байгууллагад хүн нас барсан тухай дуудлага ирсэн байна. Дуудлагын дагуу Гурвантэс сумын хэсгийн төлөөлөгч С-аар ахлуулсан алба хаагчид хэргийн газарт ажиллажээ. Талийгаач эмнэлэг, цагдаагийн алба хаагчдыг очиход амьсгал хураасан байжээ.

Энэ талаар албаны эх сурвалжаас тодруулахад “Шивээхүрэн” боомтод нүүрс тээврийн жолооч нарыг дөрвөн эмч хариуцаж ажилладаг. Харин өчигдөр нас барсан жолоочийн дуудлагад боомтын эмч нар бус, МАК-ийн уурхайн эмч очиж ажилласан байна лээ. Амиа алдсан жолооч нь МАК-ийн уурхайд урагшаа гарах ээлжээ хүлээж байсан юм билээ. Жолооч нар 20 гаруй хоног машиндаа байрлаж, ээлжээ хүлээн дугаарлаж байна. Хоол хүнс дутагдалтай, амрах орчин муу байгаагаас болж жолооч нар хүнд байдалтай байгаа” гэв.

        Харин өөр нэг эх сурвалжийн мэдээлснээр “Машиндаа нас барсан жолоочийг өчигдөр задлан шинжилгээнд оруулсан. Цагдаагийн байгууллагаас Гурвантэс сумын хүн эмнэлэг рүү өчигдөр 14:15 цагт залгаж, “Жолооч нас барсан. Задланд шинжилгээнд оруулах шаардлагатай тул өрөө бэлд” гэж хэлсэн байна лээ. Задланд шинжилгээнд Шүүх эмнэлгийн эмч нар оролцсон хэргийн талаар сайн мэдэхгүй” гэв.  

 


Машиндаа нас барсан нүүрс тээврийн жолоочийг задлан шинжилгээнд оруулжээ
АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 0
Шинэ мэдээ
Нийтлэлчид
Монгол Улс, Улаанбаатар хот, Сүхбаатар дүүрэг, VIII хороо, XI хороолол, 14193-Их тойруу 43, "N tower" V давхар 501-2 тоот
7509-1188