Орон сууцны дээврээс унах гэж байсан эмэгтэйг аварчээ. Тодруулбал, “Баянзүрх дүүргийн 13 дугаар хороонд орон сууцны дээврээс хүн үсрэх гэж байна” гэх дуудлага Онцгой байдлын газарт наймдугаар сарын 17-ны 11:13 цагт иржээ. Дуудлагын дагуу Нийслэлийн Аврах ангийн алба хаагчид 10 км замыг туулан 11:26 цагт очсон байна. Алба хаагчдыг очиход тус байрны оршин суугч иргэн 18 настай, эмэгтэй  гэр бүлийн маргаанаас болж амиа хорлох үйлдэл хийх гэж байсныг таслан зогсоож, тус дүүргийн Цагдаагийн нэгдүгээр хэлтсийн эргүүлийн офицерт хүлээлгэн өгчээ.