УИХ-ын нэр бүхий гишүүн эхнэрээ зодож, гэмтэл учруулсан гэх дуудлага цагдаагийн газарт ирсэн талаар бид мэдээлсэн. Энэ тухай дуудлагыг түүний эхнэр Б цагдаагийн 102 дугаар утсанд өнөөдөр 04:00 цагийн орчимд өгсөн аж. Одоогоор хохирогч Б ГССҮТ-д гэмтлийн зэрэг тогтоолгож байгаа гэнэ.

Хэвлэл, мэдээллийн хэрэгслээр гэр бүлийн хүчирхийлэл үйлдэгч гишүүн нь М хэмээн мэдээллээд байгаа. Мөн зарим хэвлэлээр Л.Мөнхбаатар байж болзошгүй хэмээгээд байгаа билээ.

Бид үүнтэй холбоотойгоор УИХ-ын гишүүн Л.Мөнхбаатартай холбогдож тодруулах гэсэн боловч утас нь холбогдохгүй байсан юм. Харин гишүүний туслахтай холбогдож, тодрууллаа. Тэрбээр “УИХ-ын гишүүн Л.Мөнхбаатар орон нутагт ажиллаж байгаа. Гэр бүлийн хүчирхийлэл үйлдсэн гэх хэрэгт хамааралгүй. Цагдаагийн байгууллагаас шалгаж байгаа гэдэг нь худал. Би гишүүнтэй хамгийн сүүлд өглөө ярьсан” гэлээ.