Афганистан Улсын Кабул хотын боловсролын газраас 12-оос дээш насны охид олон нийтийн газар дуулахыг хориглосон шийдвэр гаргасан аж. Улмаар уг шийдвэрийг тус улсын Боловсролын яамнаас шалгалтын ажиллагаа явуулж байгаа талаар орон нутгийн хэвлэлүүд мэдээлжээ.

       Тус мэдэгдэлд Кабул хотын боловсролын газар 12-оос дээш насны охидыг олон нийтийн газар дуулахыг хориглосон шийдвэр гаргаснаас гадна эрэгтэй багштай байж болохгүй гэсэн шийдвэр гарсан байна. Олон нийт уг шийдвэрийг шүүмжилж, цахим сүлжээгээр #IAmMySong гэх хаштаг ашиглан дуу дуулж буй дүрс бичлэгээ хуваалцаж байгаа гэнэ.

      Афганистан Улсын алдартай эмэгтэй зохиолчдын нэг Шафика Хпалвак өөрийн твиттер хуудсаараа дамжуулан “Бурхан минь, биднийг өршөө. Хүн төрөлхтөн өөрийн хүүхдээ ч хүйсээр нь хардаг ийм харгис хэрцгий” хэмээжээ. Кабул хотын боловсролын газраас гаргасан шийдвэрийг олон нийт 2001 оны Талибаны үеийн дарангуйлалтай харьцуулан шүүмжилсэн байна. Талибаны дарангуйллын үед охидыг дуулах, боловсрол эзэмшихийг хориглодог байжээ.

Эх сурвалж: BBC