“National Geographic” сэтгүүл өнгөрсөн жил нээлтээ хийсэн шинжлэх ухааны түүхэн таван ололтыг онцолжээ. Хүн төрөлхтөн, ертөнцийн үүсэлтэй холбоотой шинжлэх ухааны ололтуудыг шинээр нээн илрүүлж байгаа нь дэлхий нийт үнэн түүхтэйгээ илүү ойртож байгаа тухай мэргэжилтнүүд дурдаж байна.

1.Дэлхий дээрээс олдсон хамгийн эртний эд зүйл нь манай нарны аймгаас ч урт настай

       Олон тэрбум жилийн өмнө үхэж буй од дэлбэрч, хүн төрөлхтний нэрлэж заншсанаар их тэсрэлт бий болсноор анх ертөнц үүссэн гэдэг. Дэлбэрэлтийн улмаас нэгэн одны хэлтэрхий дэлхий дээр унасан байсныг анх 1969 оны есдүгээр сард илрүүлж байсан аж. Харин өнгөрсөн жил уг одны хэлтэрхий дээр хийсэн судалгаагаа дуусгаж, 4.6 тэрбум жилийн настай одны хэлтэрхий болохыг олж тогтоосон аж. Энэ нь манай галактик, нарны аймаг үүссэнээс эртний зүйл болоод байгаа юм.

2.Тираннозаврын судалгаа

       Хамгийн анхны тираннозавр буюу 90 см орчим урттай, хав нохой шиг хэмжээтэй, урт сүүлтэй үлэг гүрвэлийн биеийг судлаачид хясаанаас нь салаагүй байхад олж байсан гэнэ. Анх 1983 онд Америк тивд байрлах Монтана Улсаас тираннозаврын доод эрүү, 2018 онд Канад Улсаас хөлийн хумсыг нь олж байжээ. Уг олдцууд нь 71-75 сая жилийн настай болохыг нь шинжилгээгээр тогтоосон байна. Мөн мэргэжилтнүүдийн онцолсноор хамгийн анхны тираннозавр нь дэлхий дээрх хамгийн бага биетэй махчин амьтан байж болзошгүй гэнэ.

3. Хүн төрөлхтөнд сарнаас ч тод харагддаг хамгийн хачирхалтай од Бетелгеуз дэлбэрнэ гэв

       Бүтэн сараас ч илүү гэрэлтдэг Бетелгеуз од 2019 оны арванхоёрдугаар сараас гэнэт бүдгэрч эхэлсэн байна. “НАСА”-гийн эрдэмтэд Бетелгеуз од ийн бүдгэрэх болсныг тухайн одны хугацаа дуусч, дэлбэрэх гэж байгаатай холбон тайлбарласан. Харин эрдэмтэд уг тайлбараа өнгөрсөн оны наймдугаар сард Хаббл сансрын дурангаар ажигласнаар бататгажээ. Эрдэмтэд “Дэлхий өнцөг булан бүрт хамгийн тод бөгөөд хамгийн хачирхалтай Бетелгеуз одны сүйрлийн дэлбэрэлтийг харж чадна” гэв.

4.Хамгийн эртний хомо эректусын гавлын ясыг олов

       Австрали Улсын Ла Тробын их сургуулийн оюутан Жесси Мартин, Анжелин Лийз нар Өмнөд Африкийн Йоханнесбургт судалгаа хийж явахдаа хачирхалтай гавлын яс олжээ. Хоёр сая гаруй жилийн настай уг гавлын яс нь хүн төрөлхтөн эртний өвөг дээдэс буюу хомо эректусынх болохыг нь лабораторийн шинжилгээгээр тогтоожээ. Түүхэнд үлдэхүйц шинжлэх ухааны нээлт нээсэн оюутан судлаач нарын нэг Жесси Жастин “Одоог хүртэл үнэхээр хомо эректусын гавлыг ясыг олсондоо итгэж өгөхгүй л байна. Гэхдээ энэ нээлт маань хүн төрөлхтөн өөрсдийн ургийн модыг зүй, зохистой, үнэн бодитоор судлахад хамгийн их туслалцаа үзүүлнэ гэдэг итгэлтэй байна” хэмээжээ.

5.Үлэг гүрвэлийн чулуужсан эсэд ДНХ-гийн судалгааг хийж чадсан

       Канад Улсын Онтарио хааны музейн палеонтологичид 70 сая гаруй жилийн настай үлэг гүрвэлийн чулуужсан эсэд ДНХ-гийн судалгаа хийж чадсан. Шумуулны цусны найрлагыг ч гаргаж авахаас хэцүү уг ажлын үр дүнд эсээс бөөм, хромосом хэлбэрүүд гаргаж авсан аж. Гэвч эс дотор бөөмийн генетик дайвар нь 70 сая жилийн өмнөхөөс өөрчлөгдөөгүй байх магадлалтай болохыг илрүүлжээ.