Дэлхийн вакцины конгрессын хуралдааныг өчигдөр буюу тавдугаар сарын 6-ны өдөр цахимаар зохион байгуулжээ.

Уг хурлаар АНУ-ын “Модерна” компанийн вакциныг дэлхийн хамгийн шилдэг вакцин хэмээн дүгнэж, “Ковид-19” халдварын эсрэг шилдэг вакцин”, “Шилдэг технологи” зэрэг шагналаар шагнасан байна.

Мөн удаах байр буюу шилдэг вакцинуудын жагсаалтад ОХУ-ын “Гамалея” төвийн Спутник-В, Их Британийн Оксфордын их сургууль болон Шведийн “АстраЗенека” компанийн хамтран бүтээсэн АстраЗенека вакцин нэрлэсэн аж.

Ташрамд дурдахад, Дэлхийн вакцины конгрессын шилдэг хэмээн дүгнэсэн АНУ-ын Модерна вакцин нь энэ сарын 1-нд л ДЭМБ-д хүлээн зөвшөөрөгдөж, яаралтай тусламжийн үед ашиглах зөвшөөрлөө аваад байгаа юм.