Монгол Улсын Ерөнхий сайд Л.Оюун-Эрдэнэ дархлаажуулалтын цэгт ажиллаж байна.

Тэрбээр

“Өнөөдрийн 16:00 цагийн байдлаар өнөөдөр дархлаажуулалтад хамруулах ёстой иргэдийн 37 хувийг хамруулсан байна. Бид ирэх тавдугаар сарын 10 гэхэд нийслэл Улаанбаатар хотын бүх иргэдийг вакцинжуулалтад хамруулна. Орон нутгийн иргэд маань яагаад Улаанбаатар хотыг онцлох болсон бэ гэдгийг ойлгох ёстой. Монголын хөл хөдөлгөөн ихтэй, хамгийн их хүн ам суурьшсан газар бол Улаанбаатар хот. Улмаар нийслэлийн иргэдээ вакцинжуулж зургадугаар сарын 1 гэхэд вакцины хоёр дахь тунгаа тариулахаар зохицуулна.

Харин вакцинжуулахад коронавирусийн эсрэг вакциныг дахин татан авах шаардлагатай. Гэхдээ вакцины нийлүүлэлт нь үйлдвэрлэлтэйгээ зөрж байна. Зургадугаар сарын 1-нд нийслэл Улаанбаатар хотын иргэдээ бүрэн дархлаажуулж орон нутагт вакцинжуулах ажлыг идэвхтэй зохион байгуулна. Үүнд ч Улаанбаатар хотоос нэгдсэн зохион байгуулалттайгаар оролцоно. Монгол Улс дархлаажуулалтаараа Азид эхний таван улсын нэгт жагссан хэвээр байгаа. Цаашид 18-наас насны иргэн бүр вакцинжуулалтад хамрагдах боломжтой болсон. Нийслэл Улаанбаатар хотод суугаа орон нутгийн иргэд ч өөрт ойр байгаа вакцинжуулах цэгт очиж дархлаажуулалтдаа хамрагдах боломжтой.

Цар тахлыг ялан дийлэх нь үнэн л юм бол ирэх долдугаар сарын 1 хүртэл шаардлагатай бүх боломжийг ашиглаж болно. ДЭМБ мутаци, вакцины талаарх судалгаагаа дуусгаагүй байгаа. Монгол мутаци гарах боломжтой талаар эрдэмтэн, судлаачид надад танилцуулж байна. Хөл хорио тогтоосон ч төрийн алба хаагчид өөрсдөө зорчиж байгаа асуудал их гарч байгаа болохоор QR кодоо зорчих болсон. Эрүүл мэндийн салбарын цагаан нөмрөгтэй баатрууд, онцгой байдлын ажилтнууд, мэргэжил хяналтын ажилтнууд, цагдаагийн байгууллагынхан, төрийн алба хаагчид, халдвар хамгааллын дэглэмээ барьж байгаа бүх хүмүүст “Баярлалаа” гэж хэлмээр байна” хэмээсэн юм.